1 Rouaned 15:18 - Bibl Koad 21: Ar Bibl e Brezhoneg evit ar Vretoned

¹⁸ Asa a gemeras an holl arc'hant hag aour chomet e teñzorioù ti an AOTROU hag e teñzorioù ti ar roue, hag a roas anezho d'e servijerien. Hag ar roue Asa o c'hasas da Ven-Hadad mab Tabrimon, mab Hezjon, roue Siria a oa o chom e Damask, en ur lavarout:

1 Rouaned 15:18 Referencias Cruzadas

Geneliezh 14:15

Neuze, o vezañ lodennet e dud, en em daolas warno en noz, eñ hag e servijerien, hag e pilas anezho. Mont a reas war o lerc'h betek Hoba, a zo a-gleiz da Zamask.

Geneliezh 15:2

Abram a respontas: AOTROU Doue, petra a roi din? Me a ya hep bugale, hag an hini a vo va zi dezhañ eo Eliezer a Zamask.

1 Rouaned 14:26

hag a gemeras teñzorioù ti an AOTROU ha teñzorioù ti ar roue. Kemer a reas holl, kemer a reas ar skoedoù aour en doa graet Salomon.

1 Rouaned 15:15

Lakaat a reas e ti an AOTROU an traoù a oa bet santelaet gant e dad hag ar pezh en doa santelaet e-unan, arc'hant, aour ha listri.

2 Rouned 12:17

Neuze Hazael roue Siria a bignas hag a reas brezel a-enep Gad, hag he zapas. Hag Hazael a zroas evit pignat a-enep Jeruzalem.

2 Rouned 12:18

Joaz roue Juda a gemeras an holl draoù santelaet, ar pezh en doa santelaet Jozafad, Joram hag Akazia, e dadoù rouaned Juda, hag an traoù en doa santelaet e-unan, an holl aour en em gave e teñzorioù ti an AOTROU ha ti ar roue, hag e kasas anezho da Hazael roue Siria, en em dennas eus Jeruzalem.

2 Rouned 12:19

Diwar-benn nemorant oberoù Joaz ha kement a reas, kement-se ha n'eo ket skrivet e levr danevelloù rouaned Juda?

2 Danevelloù 15:18

Lakaat a reas e ti Doue an traoù a oa bet santelaet gant e dad hag ar pezh en doa santelaet e-unan, arc'hant, aour ha listri.

Jeremiaz 49:27

Me a enaouo an tan e mogerioù Damask, hag e lonko palezioù Ben-Hadad.

Amoz 1:4

Kas a rin war di Hazael un tan a lonko palezioù Ben-Hadad.