1 Rouaned 12:25 - Bibl Koad 21: Ar Bibl e Brezhoneg evit ar Vretoned

²⁵ Jeroboam a savas Sichem war venez Efraim, hag e chomas enni; goude ez eas ac'hane hag e savas Penuel.

1 Rouaned 12:25 Referencias Cruzadas

Geneliezh 12:6

Abram a dreuzas ar vro betek al lec'h anvet Sichem, betek dervenn More. Ar Gananeiz a oa neuze er vro.

Geneliezh 32:32

Setu perak, betek hiziv, mibien Israel ne zebront ket nervenn ar vorzhed, an hini a zo war bleg ar vorzhed, dre ma voe skoet pleg morzhed Jakob e nervenn ar vorzhed.

1 Rouaned 12:1

Roboam a yeas da Sichem, rak holl Israel a oa deuet da Sichem evit e lakaat da roue.

1 Rouaned 12:26

Jeroboam a lavaras en e galon: Ar rouantelezh a c'hellfe bremañ distreiñ da di David.

1 Rouaned 15:17

Baesha roue Israel a bignas a-enep Juda, hag e savas Rama, evit herzel ouzh an dud da zont pe da vont etrezek Asa roue Juda.

1 Rouaned 16:24

hag e prenas menez Samaria digant Shemer evit daou dalant arc'hant. Sevel a reas war ar menez-se, hag ec'h anvas ar gêr en doa savet Samaria, diwar anv Shemer, aotrou ar menez.

1 Rouaned 9:15

Un aner a savas ar roue Salomon, evit sevel ti an AOTROU, e di, Milho, moger Jeruzalem, Hazor, Megiddo ha Gezer.

Jeremiaz 41:5

e teuas tud eus Sichem, eus Silo hag eus Samaria, pevar-ugent den, touzet o barv ha roget o dilhad, o vezañ graet flañchoù dezho o-unan, gant profoù hag ezañs en o daouarn, evit o degas da di an AOTROU.

Ar Varnerien 8:17

Diskar a reas ivez tour Penuel, hag e lakaas d'ar marv tud kêr.

Ar Varnerien 8:8

Goude ez eas ac'hane da Benuel, hag e komzas en hevelep doare. Tud Penuel a respontas dezhañ evel m'o doa graet tud Sukkod.

Ar Varnerien 9:1

Abimelek mab Jerubbaal a yeas da Sichem da gavout breudeur e vamm, hag e komzas outo hag ouzh holl diegezh tad e vamm o lavarout: