1 Rouaned 11:11 - Bibl Koad 21: Ar Bibl e Brezhoneg evit ar Vretoned

¹¹ An AOTROU a lavaras da Salomon: Peogwir ec'h eus graet evel-se, ha ne'c'h eus ket miret va emglev ha va reolennoù am boa roet dit, e rogin a-dra-sur ar rouantelezh diwarnout, hag e roin anezhi da'z servijer.

1 Rouaned 11:11 Referencias Cruzadas

1 Rouaned 11:12

Koulskoude, abalamour da Zavid da dad, ne rin ket kement-se e-pad da vuhez, met diouzh dorn da vab eo e rogin anezhi.

1 Rouaned 11:26

Jeroboam mab Nebad, un Efratiad eus Zereda, servijer Salomon, e vamm a oa ur vaouez intañvez anvet Zerua, a savas ivez e zorn a-enep ar roue.

1 Rouaned 11:29

Hag e c'hoarvezas, en amzer-se, ma'z eas Jeroboam er-maez eus Jeruzalem. Ar profed Akija eus Silo, gwisket gant ur vantell nevez, en em gavas gantañ war an hent. Hag e oant o-daou o-unan war ar maez.

1 Rouaned 11:31

hag e lavaras da Jeroboam: Kemer evidout dek tamm, rak evel-henn e komz an AOTROU Doue Israel: Setu e rogin ar rouantelezh diouzh dorn Salomon, hag e roin dit dek meuriad.

1 Rouaned 12:20

Kerkent ha ma klevas holl Israel e oa distroet Jeroboam, e kasjont d'e c'hervel d'ar vodadenn, hag e lakajont anezhañ da roue war holl Israel. Meuriad ebet ne heulias ti David, nemet meuriad Juda hepken.

2 Rouned 17:15

Disprizet o doa e reolennoù, hag e emglev en doa graet gant o zadoù, hag e destenioù en doa douget en o enep. Aet e oant war-lerc'h traoù a netra, o tont da vezañ netra o-unan, ha war-lerc'h ar broadoù a oa en-dro dezho, petra bennak m'en doa difennet an AOTROU dezho ober evelto.

2 Rouned 17:21

Israel a oa en em zistaget diouzh ti David, ha lakaet en doa da roue Jeroboam mab Nebad. Jeroboam en doa pellaet Israel diouzh hent an AOTROU, hag en doa lakaet anezho d'ober ur pec'hed bras.

Salmoù 78:10

N'o deus ket miret emglev Doue, ha n'eo ket bet fellet dezho kerzhout hervez e lezenn.

Niveroù 14:23

ne welint ket ar vro am eus touet reiñ d'o zadoù; an holl re o deus disprizet ac'hanon ne welint ket anezhi.

Niveroù 14:35

Me, an AOTROU, am eus komzet! Evel-se e rin e-keñver ar vodadenn fall-mañ a zo en em unanet a-enep din; kuzumet e vint er gouelec'h-mañ hag e varvint ennañ.