Nthi 5:21 - ÎVUKU RÎA ÛVORO MWARO

²¹ Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Nthi 5:21 Referencias Cruzadas

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Ayubu 14:16

Nîûgacokaga kûrorereria mîthiîre yakwa yonthe, na ndûkona mevia makwa.

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Ayubu 34:21

“Metho make maroragia mîthiîre ya andû, na nîonaga mîthiîre yao yonthe.

Thaburi 11:4

Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

Thaburi 119:168

Nî mvingagia matuîro maku ma ciira na mataaro maku, nîûndû we nîwicî mîthiîre yakwa yonthe.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Nthi 4:26

Menyagîrîra na kinyi mîthiîre yaku, namo maûndû marîa ûgekaga makethagîrwa marî maro.

Nthi 5:6

Ndarûmagîrîra njîra ya mwoyo, aûrûraga na ndamenyaga akîûra.

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.