Nthi 5:20 - ÎVUKU RÎA ÛVORO MWARO

²⁰ Mwana wakwa, nîndûî gîgûtûma merirîria ma mûndûmûka mûmaramaru makûrîa ta njovi? Nîndûî gîgûtûma ûgucîrîrua nî wendo wa mûndûmûka wene?

Nthi 5:20 Referencias Cruzadas

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

Nthi 22:14

Ciugo cia mûndûmûka kîmaramari nî ta îrima îrikîru, rîgûcaga mûndûmûrûme ûrîa ûrakarîtie Ngai-Mûnene.

Nthi 23:33

Metho maku makoonaga indo marundurundu, na ûkaaragia maûndû ma waganu.

Nthi 5:3

Nîûndû mîromo ya mûndûmûka mûmaramaru îrî mûrîo ta ûûkî, ciugo ciake nî nyoroku gûkîra maguta.

Nthi 6:24

Kîrîra kîu gîgaakûgitagîra kuuma kûrî aka arîa acûku, na kuuma kûrî mîario mînyoroku ya mûndûmûka wene.

Nthi 7:5

Ûûgî na ûmenyo igaakûgitagîra kuuma kûrî mûndûmûka kîmaramari, na kuuma kûrî mûndûmûka ûrîa ûgucagîrîria andû na ciugo nyoroku.

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 2:16

Ngai-Mûnene, Ngai wa Isiraeli augîte atîrî, “Nînthûrîte gûtecana kwa arîa mavikanîtie. Nînthûrîte mûndûmûrûme ûrîa wîkaga mûka gîko ta kîu gîcûku ûguo. Îîmenyerereni atî vîndî cionthe mûtûûre mûrî evokeku kûrî aka enyu.”