Nthi 29:2 - ÎVUKU RÎA ÛVORO MWARO

² Rîrîa andû arîa athingu marathana, andû nî makenaga, nwatî rîrîa andû arîa aganu marathana, andû nîmacaaga.

Nthi 29:2 Referencias Cruzadas

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Ayubu 34:30

wana ethîrwa nî vûrûri kana nî mûndû; ekaga guo nîguo mûndû mwaganu ndakathane.

Nthi 11:10

Rîrîa andû arîa athingu matûûrîte waro nî kûgîcaga na gîkeno îtûûrarî, na rîrîa andû arîa aganu mathira îtûûrarî, nî riugagîrîria rîkenete.

Nthi 28:12

Rîrîa andû arîa athingu matuîka athani, andû nîmakûngûagîra, nwatî andû arîa aganu matuîka athani, andû nîmaûraga nî o.

Nthi 28:15

Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Nthi 28:28

Rîrîa andû arîa aganu matuîka athani, andû nîmaûraga nî o, nwatî rîrîa mauma wathanirî, andû arîa athingu nîmongererekaga.

Mûvunjia 10:5

Kûrî na ûndû mûcûku menyete gûkû nthî. Naguo wîkagwa nî anene.

Mûvunjia 10:6

Andû arîa irimû nîo mavecagwa ngathî cia ûtongoria nacio itonga ikavewa ngathî cia mûthiia.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 2:3

Na rîrîa Mûthamaki Herode eegwire ûvoro ûcio nîwatangîkire mûno ngororî yake, vamwe na andû onthe arîa maarî Jerusalemu.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”