Nthi 29:1 - ÎVUKU RÎA ÛVORO MWARO

¹ Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Nthi 29:1 Referencias Cruzadas

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

1Atha 22:28

Mikaia nîwerire Ahabu atîrî, “Wona wacoka wîna thayû, Ngai-Mûnene ndanaria na njîra yakwa.” Nîwacokire akiuga atîrî, “Mue andû aya muonthe mûtikariganîrwe nî ûguo nauga!”

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 33:10

Ngai-Mûnene nîwakaanirie mûthamaki Manase na andû ake, nwatî matiamûthikîrîria.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Ntha 9:7

Nake mûthamaki wa Misiri nîwatûmire andû magatuîrie. Nao matuîria nîmaamenyire atî gûtirî nyamû wana îmwe ya andû a Isiraeli yakuîte. Mûthamaki wa Misiri nîwaûmirie ngoro na akîrega gwîtîkîria andû a Isiraeli mathiî.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Nthi 28:18

Mûndû ûrîa ûthiîcaga na mîthiîre mîkinyanîru nîakaavonokua, nwatî mûndû wa mîthiîre mîcûku nîakaagwa wa rîmwe.

Nthi 28:28

Rîrîa andû arîa aganu matuîka athani, andû nîmaûraga nî o, nwatî rîrîa mauma wathanirî, andû arîa athingu nîmongererekaga.

Nthi 6:15

Kwoguo mînyamaaro îkaamwîthîrîria wa rîmwe, agaacûkangua wa rîmwe athire.

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Habakuku 2:7

Mûthenya ûmwe andû arîa ûrî thirî wao nîmagagûkîrîra wa rîmwe, na arîa makuinainagia nîmagaûkîra. Vîndî îo nîrîo ûgaatuîka ngombo yao.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 13:26

Nake Jesû nîwamûcokerie atîrî, “Mûndû ûrîa ngûnengera mûgate ûrîa ngûvokithia thuvurî nîke ûkûnjukanîrîra.” Kwoguo Jesû nîwocire kînuku Kîam mûgate, agîkîvokithia na akînengera Judasi mûriû wa Simoni Mûsikariota.

Ciîko 1:18

(“Nake Judasi nîwagûrire mûgûnda na mbia irîa oonire na njîra îrîa îtaagîrîrîte, vau nîvo aagwîre agîtûmûka îvu mara makiuma na agîkua.

Ciîko 1:25

wa gûtungata arî mûtûmwa vandûrî va Judasi ûrîa watûtigîre na nîwacokire akîthiî varîa vamwagîrîrîte.”

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.