Nthi 17:3 - ÎVUKU RÎA ÛVORO MWARO

³ Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Nthi 17:3 Referencias Cruzadas

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

Ayubu 23:10

Nwatî ke nîamenyaga njîra îrîa nûmagîrîra, rîrîa akangeria ngaumîra ntherete ta thaavu.

Ayubu 28:1

Nama kûrî kûndû gwa kwînja sîlûva, na gwa kûthereria thaavu.

Thaburi 139:23

Nduîria we Ngai, na ûmenye ûrîa ngoro yakwa îkariî; nthima na ûmenye meciria makwa.

Thaburi 26:2

Nduîria na ûngerie, we Ngai-Mûnene; tuîria ngoro yakwa na meciria makwa.

Thaburi 66:10

We Ngai, nîûtûthimîte; nîûtûgeretie ta ûrîa sîlûva îtheragua na mwaki.

Nthi 15:11

Ethîrwa Ngai-Mûnene nîonaga ûrîa kwa arîa akuû gwîkariî, na ma nîonaga ûrîa ngoro cia andû ciîkariî.

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 17:2

Ndungata îrîa mbûgî nîkaatha mwana wa mwathi wayo ûrîa wîkaga maûndû ma gîconoko, na nîkaagaa kîndû ta ûmwe wa ciana cia mwathi wake.

Nthi 21:2

Mûndû onaga mîthiîre yake yonthe îrî mîagîrîru, nwatî Ngai-Mûnene athimaga ngoro.

Nthi 27:21

Sîlûva na thaavu itheragua na mwaki, na mûndû amenyekaga na ngumo yake.

Isaia 48:10

Taroria nîngûtheretie na mwaki, nwatî tî ta ûrîa sîlûva îtheragua, nîngûgeretie na mwaki mûnene wa mathîna.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Ezek 22:18

“We mûndû, andû a Isiraeli matuîkîte kîndû gîtarî kîene. Onthe matuîkîte ta cuuma cia gîcango, mavati, cuuma cia ûturi na cuuma irî mwakirî wa kûtheria. Mekariî ta gîko kîrîa kiumaga kûrî sîlûva.

Danieli 11:35

Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.