Nthi 17:2 - ÎVUKU RÎA ÛVORO MWARO

² Ndungata îrîa mbûgî nîkaatha mwana wa mwathi wayo ûrîa wîkaga maûndû ma gîconoko, na nîkaagaa kîndû ta ûmwe wa ciana cia mwathi wake.

Nthi 17:2 Referencias Cruzadas

Nthi 10:5

Mwana ûrîa mûûgî aûnganagia irio ciake vîndî ya maketha, nwatî mwana ûrîa ûmamaga vîndî ya maketha agîcaga na gîconoko.

Nthi 11:29

Mûndû ûrîa ûnyamaragia mûciî wake ndakaagaa kîndû, nakîo kîrimû gîgaatuîka ndungata ya mûndû ûrîa mûûgî.

Nthi 14:35

Mûthamaki nîakenagua nî ndungata irîa irutaga wîra na ûûgî, nwatî nîaverithagia ndungata irîa irutaga wîra ûrîa ûtagîrîrîte.

Nthi 17:1

Nîkava kûrîa tûirio tûnini andû marî na thayû, gûkîra kûrîa kîrugo na andû marî na ngucanio.

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Nthi 19:26

Mwana ûrîa ûverithagia îthe na akengata ng'ina kuuma mûciî nîenyararithagia na ageconorithia.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Mûvunjia 4:13

Kava mwanake mûthîni na mûûgî gûkîra mûthamaki mûndû mûkûrû arî kîrimû na ndathikagîrîria mataaro,