Nthi 14:32 - ÎVUKU RÎA ÛVORO MWARO

³² Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Nthi 14:32 Referencias Cruzadas

Kîam 49:18

“Mbetererete ûvonokio waku we Ngai-Mûnene.

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Ayubu 18:18

Aarutirwe ûtherirî agikua ndumarî, akîngatwa vûrûri wa arîa marî mwoyo.

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Thaburi 58:9

Nîmagaatemangwa matakûmenya ta ria, Ngai nîakaamavuruta arî na marakara mathire, na îvenya makîria ya ûrîa nyûngû îviûvaga îrî riiko.

Thaburi 73:24

We nîûndongoragia na mataaro maku, na mûthiiarî nîûkaanyamûkîra na gîtîîo.

Nthi 11:5

Ûthingu nîûtûmaga mûndû agîe na mûtûûrîre mwaro, nwatî mûndû mwaganu agwîthagua nî waganu wake.

Nthi 14:33

Ûûgî ûtûûraga meciriarî ma andû arîa marî ûmenyo, nwatî ûûgî ndwîcîkene nî andû arîa aritu.

Nthi 24:16

Andû arîa athingu nîmagûcaga maita meengî na magaûkîra, nwatî andû arîa aganu nîmacûkangagua nî mathîna.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Nthi 6:15

Kwoguo mînyamaaro îkaamwîthîrîria wa rîmwe, agaacûkangua wa rîmwe athire.

Luka 2:29

“Rîu Mwathani nîûvingîtie kîîranîro gîaku, îtîkîria ndungata yaku îthiî na thayû.

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Aroma 9:22

Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.

2Akor 1:9

Ngororî cietû nîtwegucaga atî nîtwatuîrîrîtwe kûragwa. Nwatî ûguo wekîkire nîguo tûtikevoke vinya wetû tue ene, nwatî twîvoke Ngai ûrîa ûriûkagia arîa makuîte.

2Akor 5:8

Tûrî na ûmîrîru mûno na nwa twende kuuma mwîrîrî ûyû nîguo twîthagîrwe tûrî mûciî na Mwathani.

Afil 1:21

Nîûndû nie vakwa, ndûûraga nîguo ndungatîre Kristû na gûkua nî umithio.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”