Nthi 14:31 - ÎVUKU RÎA ÛVORO MWARO

³¹ Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 14:31 Referencias Cruzadas

Ayubu 24:4

Magiragîrîria ngîa inyita ivooto ciao, na magatûma athîni onthe methithe.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Nthi 14:21

Mûndû ûrîa ûnyararaga mûndû ûrîa mariganîtie nake nî mwîvia, nwatî mûndû ûrîa wîgucagîra mûthîni ntha nîarathimagwa.

Nthi 17:5

Mûndû ûrîa ûthekagîrîra mûthîni ethagîrwa akîruma Ngai ûrîa waûmbire mûndû ûcio. Mûndû ûrîa ûkenaga rîrîa mûndû wîngî arî thînarî, nwanginya akaaverithua.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Nthi 22:2

Arîa atongu na arîa athîni megananîtue nî ûndû ûmwe, Ngai-Mûnene nîke wamaûmbire onthe.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Alawi 25:17

Mûtikaveenie Aisiraeli arîa engî, nwatî mwîtigagîre Ngai-Mûnene, Ngai wenyu.

Alawi 25:35

“Ethîrwa Mûisiraeli ûrîa wîngî mûtûûranîrîte nake nîwatuîka mûthîni na eremwa, nwanginya mûmûtethagie na kîrîa angîvatara, nîguo mûvotage gûtûûrania nake wata ûrîa mûtethagia ageni arîa mûtûûranagia nao.

Johana 12:8

Mûkethagîrwa mûrî na athîni vingo cionthe nwatî mûtikethagîrwa mûrî nanie vingo cionthe.”

Gûco 24:14

“Ndûkaverithie mûndû mûthîni na ngîa ûrîa wandîkîte, arî wa andû enyu Aisiraeli kana arî mûgeni kuuma îtûûrarî rîmwe rîa vûrûri wenyu.

1Joh 4:21

Rîîrî nîrîo rîathani rîrîa tûrî narîo kuuma kûrî Kristû atî: mûndû ûrîa wendete Ngai, nwanginya ende mûrwang'ina kana mwarî wa ng'ina wanake.