Nthi 14:30 - ÎVUKU RÎA ÛVORO MWARO

³⁰ Meciria marî na thayû matûmaga mwîrî ûgîe na ûgima, nwatî wîru nîta woru ûrî mavîndîrî.

Nthi 14:30 Referencias Cruzadas

1Atha 21:6

Nake Ahabu nîwerire mûka atîrî, “Nîûndû mbîrire Nabothi ûrîa Mûjezireeli amenderie mûgûnda wake wa mîthavibu, kana angîenda nîmûkûûrananîrie guo na wîngî nwatî ambîra atî tîanengera guo!”

Ayubu 5:2

Marakara maûragaga kîrimû, naguo wîru ûragaga mûndû mûritu.

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Thaburi 119:80

Tûma ngoro yakwa yathîkagîre mawatho maku, nîguo ndigaconorithue.

Nthi 12:4

Mûndûmûka mwaro nî nthûmbî ya mûthuuriwe, nwatî mûndûmûka ûrîa ûconorithagia mûthuuriwe nîta woru ûrî mavîndîrî ma mûthuuriwe.

Nthi 15:13

Andû marî na gîkeno, nî mathekaga, nwatî marî arakaru monekaga marî na kîeva.

Nthi 17:22

Mwîrî wa mûndû mûkeni wîkaraga ûrî na vinya, nwatî mwîrî wa mûndû ûrîa wîkaraga na kîeva nîûthiraga vinya.

Nthi 3:8

Gwîka ûguo, gûkethîrwa îrî ta ndawa ya mwîrî waku, na vinya wa mavîndî maku.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Ciîko 7:9

“Avîcî a Jakovu nîmeguîrîre Josefu wîru na makîmwendia atuîke ngombo vûrûrirî wa Misiri. Nwatî Ngai aarî vamwe nake

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

2Tim 1:7

Nîûndû Roho ûrîa Ngai atûvete ndûtûmaga tûgîe na guoya, vandû va ûguo Roho wake atûmaga tûgîe na ûvoti, wendo na ûvoti wa kwînyitia maûndûrî.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”