Nthi 12:12 - ÎVUKU RÎA ÛVORO MWARO

¹² Andû arîa aganu meriragîria maûndû marîa maumanaga na maûndû macûku, nwatî andû arîa athingu mevandaga ki.

Nthi 12:12 Referencias Cruzadas

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 10:9

metagîrîra methithîte ta mînyambû, metagîrîra andû arîa athîni, mamanyitaga na mîtego yao na makathiî nao.

Thaburi 9:15

Andû a ndûrîrî nî magwîte îrimarî rîrîa meenjire, nî manyitîtwe nî mûtego ûrîa maategire o ene.

Nthi 10:15

Gîtonga kîgitagîrwa nî ûtonga wa kîo; mûthîni acûkangagua nî ûthîni wake.

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Nthi 21:10

Andû arîa aganu meriragîria gwîka naaî tu, matirî ntha na andû arîa engî.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 37:31

Nao andû arîa magaatigara a nyomba ya Juda nîmakoongerereka na mengîve ta ûrîa mûtî ûmeraga mîri îgatonya mûtheturî ndarî na ûgaciara matunda na îgûrû.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 15:5

“Nie nî nie Mûthavibu, namue nîmue mvûa. Mûndû wa wonthe wîkaraga ndaarî yakwa, nanie ngekara ndaarî yake, nîagîcaga maciaro meengî; nîûndû mûtarî vamwe na nie gûtirî ûndû mûngîvota gwîka.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.