Nthi 12:11 - ÎVUKU RÎA ÛVORO MWARO

¹¹ Andû arîa marutaga wîra na kîîo mîgûndarî yao nîmagîcaga irio cia kwîgana, nwatî andû arîa marûmagîrîra maûndû matarî na umithio nî irimû.

Nthi 12:11 Referencias Cruzadas

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 26:4

Nie ndiîkaranagia na andû arîa maveenanagia, kana nyitanîra na andû arîa marî ûvinga.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 13:23

Mîgûnda ya andû arîa athîni nwa yume irio nyîngî, nwatî andû arîa matarûmagîrîra kîvooto nîmagiragia îrîmwe.

Nthi 14:23

Kûruta wîra wa wonthe na kîîo nî kûretage umithio, nwatî mîario mîtheri îretage ûthîni.

Nthi 14:4

Mûciî ûtarî ndegwa cia kûrîma makûmbî matiîthagîrwa marî na irio, nwatî mûciî ûrîa ûrî ng'ombe cia kûrîma kûrî irio nyîngî.

Nthi 20:13

Ndûgatûmagîre mavinda maku na kûmama nîguo ndûgatuîke mûthîni, vingûra metho na nîûkaagîa na irio nyîngî.

Nthi 27:27

Mbûri nîigaakûva îriia rîa gûkwîgana vamwe na nyomba yaku, na rîa ndungata ciaku cia aka.

Nthi 28:19

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî arîa matecaga mavinda na maûndû matarî vata nîmatûûra marî athîni.

Nthi 6:32

Mûndû ûrîa ûtharagia ethagîrwa arî mûritu, mûndû ûrîa wîkaga ûguo ecûkangagia ke mwene.

Nthi 7:7

Nînoonire anake eengî aritu, gatagatîrî kao, nînoonire mwanake ûmwe warî kîrimû.

Nthi 9:13

Mûndûmûka ûrîa mûritu arî înegene rîîngî, ndarî ûmenyo na ndaconokaga.

Nthi 9:16

Eraga andû matarî na ûûgî atîrî, “Ûkani ava.” Nao arîa aritu, akameera atîrî,

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

2Ath 3:8

Tûtietîkagîra kûrîa irio cia mûndû tûtakûrîva. Nîtwarutaga wîra na vinya mûno ûtukû na mûthenya nîguo tûtigatuîke mûrigo kûrî mûndû wanarî ûmwe gatagatîrî kenyu.

Atir 9:4

Nîmaamûvere tûcunjî mîrongo mûgwanja (70) twa sîlûva irutîtwe hekarûrî ya Baali-berithu. Abimeleki nîwocire sîlûva icio na agîcoka akîivûthîra kwandîka andû maarî aganu nîguo mamûrûmîrîre.