Mathaayo 3:8 - ÎVUKU RÎA ÛVORO MWARO

⁸ Îkani maûndû ma kwonania atî nîmwîrirîte mevia menyu.

Mathaayo 3:8 Referencias Cruzadas

Jeremia 26:13

Kwoguo rîu rûngariani mîthiîre yenyu na ciîko cienyu, na mwathîkîre mûgambo wa Ngai-Mûnene Ngai wenyu. Nake Ngai-Mûnene nîakwîricûkwa atige gwîka maûndû marîa augîte nîakûmwîka.

Jeremia 36:3

Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Mathaayo 21:32

Nîûndû Johana Mûvatithania aaûkire kûrî mue akîmwonagia njîra îrîa mbaro, namue nîmwaregire kûmwîtîkia. Nwatî etia mbeca cia gooti na maraa nîmaamwîtîkirie. Na wana mwona ûguo, mûtiacoka gûcenjia meciria menyu nîguo mûmwîtîkie.”

Luka 3:8

Îkani ciîko irîa ikwonania atî nîmwîrirîte mevia menyu. Mûtikambîrîrie kwîîra na ngoro cienyu atî, Iburahimu nîke îthe wenyu wa tene. Nie nîramwîra atî Ngai nwa oce mathiga mama na athondekere Iburahimu ciana kuuma kûrî mo!

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.