Mathaayo 3:7 - ÎVUKU RÎA ÛVORO MWARO

⁷ Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Mathaayo 3:7 Referencias Cruzadas

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Isaia 59:5

Mwîkariî takwa mûrumûraga matumbî ma njoka irîa irî ûrogi, na mûgookotha rûûî rwa mbûmbûî. Mûndû ûrîa ûngîrîa matumbî menyu nîkwa angîkua, na îtumbî rîmwe rîamo rîngîûragwa, njoka îrîa îrî ûrogi nîyo yumaga kuo.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 15:12

Nao arutwa a Jesû nîmaacokire makîthiî kûrî ke na makîmwîra atîrî, “Nîwîcî atî Afarisai nîmarakarirue nî ûndû ûrîa ugire?”

Mathaayo 16:1

Afarisai amwe na Asadukai nîmaathiîre kûrî Jesû makîenda kûmûgeria. Kwoguo nîmeerire Jesû amaringîre Kîamma kuuma îgûrû nîguo mamenye atî vinya wake umîte kûrî Ngai.

Mathaayo 16:6

Nake Jesû nîwamerire atîrî, “Îîmenyagîrîreni kuuma kûrî ndawa ya kwimbia mîgate ya Afarisai na Asadukai.”

Mathaayo 22:15

Afarisai nîmaathiîre na makîvanga ûrîa magûtega Jesû na ciûria.

Mathaayo 22:23

Na mûthenya wa ûcio Asadukai arîa maugaga atî akuû matikaariûka, nîmaathiîre kûrî Jesû na makîmûûria atîrî,

Mathaayo 22:34

Rîrîa Afarisai megwire atî Jesû nîwakiririe Asadukai, nîmaagomanire vamwe.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Maariko 12:13

Afarisai amwe na andû amwe a Kîamma Kîam Herode (nîo metagwa Aherodia) nîmaatûmirwe kûrî Jesû nîguo mamûtege na ciûria akîaria.

Maariko 12:18

Nao Asadukai arîa maugaga atî akuû matikaariûka nîmaathiîre kûrî Jesû na makîmwîra atîrî,

Maariko 8:15

Nake Jesû nîwamakaanirie na akîmeera atîrî, “Îîmenyerereni mûtikagwatanîre na Afarisai wana kana Herode, nîûndû mekariî ta ndawa ya kwimbia mîgate.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Luka 7:30

Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Johana 1:24

Nao anjaama arîa maatûmîtwe nî Afarisai,

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Johana 9:40

Nao Afarisai amwe arîa maarî vakuvî nake nîmegwire akiuga ûguo na makîmûria atîrî, “Nîkwa ûrenda kuga atî wa natue tûrî atumumu?”

Ciîko 15:5

Nwatî etîkia amwe arîa maarî a gîkundi Kîam Afarisai, nîmaarûngamire na makiuga atîrî, “Andû a ndûrîrî nwa nginya marwithue na meerwe mathîkîre Watho wa Musa.”

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Ciîko 26:5

Mangîenda nwa marute ûira atî kwa îvinda îraca mbîthîrîtwe nîrî Mûfarisai wa ma. Afarisai nî Kîamma kîrîa kîrûmagîrîra mawatho na ndini ya Kîyahudi gûkîra ikundi irîa ciîngî cionthe.

Ciîko 5:17

Mûthînjîri-Ngai ûrîa mûnene na andû arîa maagendanagia nake a Kîamma Kîam Asadukai nîmaagîrwe nî wîru mwîngî mûno na magîtîkania nwa nginya mamenye ûrîa magwîka.

Aroma 1:18

Marakara ma Ngai nîmonekete kuuma îgûrû, nîûndû wa andû arîa matarî na ûngai na arîa mekaga maûndû macûku. Njîra ciao irîa njûku nîigiragia ûma ûmenyekane.

Aroma 5:9

Ethîrwa na njîra ya gîkuû Kîam Jesû nîtûtuîtwe athingu, na kinthî ke ndagaatûvonokia makîria kuuma kûrî marakara ma Ngai?

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.