Mathaayo 2:5 - ÎVUKU RÎA ÛVORO MWARO

⁵ Nao nîmaamûcokerie atîrî, “Agaaciarîrwa îtûûrarî rîa Bethilehemu vûrûrirî wa Judea. Nîûndû mûrathi aandîkire akiuga atîrî:

Mathaayo 2:5 Referencias Cruzadas

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Mathaayo 2:1

Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu

Mathaayo 2:4

Nake Herode nîwetire anene a athînjîri-Ngai na arimû a Watho vamwe. Na rîrîa maagomanire, nîwamaûririe atîrî, “Mesaya agaaciarîrwa kû?”

Johana 7:42

Na kinthî mandîko matheru matiugîte atî Mesaya akeethîrwa arî wa mbarî ya Mûthamaki Daudi, na atî ke agaaciarîrwa îtûûrarî rîa Bethilehemu kûrîa Daudi aatûûraga?”

Josh 19:15

Nîwanyitîte Katathi, Nahalali, Shimuroni, Idala na Bethilehemu. Mau monthe maarî matûûra manene îkûmi na maîrî wa vamwe na icagi irîa ciarî vakuvî namo.

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.

Ruthu 1:1

Vîndî îrîa atirîrîri vûrûri maathanaga vûrûri wa Isiraeli, nîkwagîre na yûra vûrûrirî ûcio. Nake mûndû wa kuuma Bethilehemu vûrûrirî wa Juda nîwathiîre vûrûrirî wa Moabu gûtûûra kuo gwa kavinda kanini. Aathiîre na mûka vamwe na avîcî ao aîrî.

Ruthu 1:19

Kwoguo nîmaathiîre oîrî nginya magîkinya Bethilehemu. Rîrîa maakinyire kuo, andû onthe a îtûûra rîu nîmaamakire mûno, nao aka makîambîrîria kûrania atîrî, “Na kinthî ûyû nî Naomi?”

Ruthu 2:4

Vuvarî Boazu nîwakinyire aumîte Bethilehemu. Nîwakethirie aruti wîra acio atîrî, “Ngai-Mûnene aroîkara namue!” Nao nîmaamûcokerie atîrî, “Ngai-Mûnene arokûrathima!”

Ruthu 4:11

Nao andû acio onthe maarî vau kîvingorî vamwe na athuuri nîmaaugire atîrî, “Tue tûrî aira. Ngai-Mûnene arotûma mûndûmûka ûcio ûgûûka gwaku mûciî atuîke ta Rakeli, wana ta Lea, arîa maaciarîre Jakovu ciana nyîngî. Nawe ûrothatûkwa ûrî mûvîrîgarî wa Efiratha na ûgîe îgweta kûu Bethilehemu.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”