Mathaayo 2:4 - ÎVUKU RÎA ÛVORO MWARO

⁴ Nake Herode nîwetire anene a athînjîri-Ngai na arimû a Watho vamwe. Na rîrîa maagomanire, nîwamaûririe atîrî, “Mesaya agaaciarîrwa kû?”

Mathaayo 2:4 Referencias Cruzadas

2Maû 34:13

na nîo maarûngamagîrîra andû arîa maakuuaga mîrigo na arîa maarutaga mawîra ma mîthemba yonthe. Alawi amwe maarî andîki, atongoria na arangîri a ivingo.

2Maû 34:15

Hilikia nîwerire Shafani, mwandîki atîrî, “Nînona îvuku rîa Watho hekarûrî.” Nake Hilikia nîwanengere Shafani îvuku rîu.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ezira 10:5

Kwoguo Ezira nîwaûkîrire na akîthiî kûrî atongoria a athînjîri-Ngai, Alawi na atongoria na andû acio engî a Isiraeli. Nake nîwamerire mevîte na mauge atî mageeka wata ûrîa Shekania aaugîte. Nao nîmeevîtire.

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Nehemia 12:7

Salu, Amoku, Hilikia, na Jedaia. Aya nîo maarî anene gatagatîrî ka athînjîri-Ngai na aa mûrwang'ina vîndî ya Jeshua.

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 2:3

Na rîrîa Mûthamaki Herode eegwire ûvoro ûcio nîwatangîkire mûno ngororî yake, vamwe na andû onthe arîa maarî Jerusalemu.

Mathaayo 2:5

Nao nîmaamûcokerie atîrî, “Agaaciarîrwa îtûûrarî rîa Bethilehemu vûrûrirî wa Judea. Nîûndû mûrathi aandîkire akiuga atîrî:

Mathaayo 21:15

Nwatî anene a athînjîri-Ngai na arimû a Watho nîmaarakarire moona maûndû manene marîa Jesû eekaga. Nîmaarakarire megua ciana ikiugîrîria irî hekarûrî atîrî, “Hosana Mûrû wa Daudi!”

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Mathaayo 26:3

Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 27:1

Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû.

Mathaayo 7:29

Ke ndeekariî ta arimû a watho, nwatî aathomithanagia arî na wathani.

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 23:10

Nao anene a athînjîri-Ngai na arimû a Watho arîa maarûngamîte vo, nîmaathitangire Jesû mevotorete mûno.

Johana 18:3

Kwoguo Judasi nîwathiîre mûgûndarî ûcio arî na gîkundi Kîam athigari a Roma wa vamwe na arangîri a hekarû matûmîtwe nî anene a athînjîri-Ngai wa vamwe na Afarisai. Maathiîre kuo makuuîte indo cia mbaara, taa na imûrî.

Johana 3:10

Jesû nîwamûcokerie atîrî, “Kûngîvoteka atîa gûtuîke atî we ndwîcî ûndû ûyû na wî mwarimû wî ngumo nene vûrûrirî wa Isiraeli?

Johana 7:32

Afarisai nîmegwire andû makîaria na kîvwe ûvoro wîgiî Jesû. Kwoguo Afarisai acio marî vamwe na anene a athînjîri-Ngai, nîmaatûmire arangîri mathiî makanyite Jesû.

Johana 8:3

Nao arimû a watho na Afarisai nîmaamûvirîre mûndûmûka wanyitîtwe akîtharia. Nîmaacokire makîmûrûngamia mbere ya andû onthe

Ciîko 23:9

Kwoguo nîkwagîre na înegene rînene. Nao arimû amwe a watho arîa maarî a gîkundi Kîam Afarisai nîmaarûngamire na makiuga meyûmîrîrîtie atîrî: “Tue tûtirona ûndû mûcûku wîkîtwe nî mûndû ûyû! Nwa kwîthîrwe roho kana mûraika nîke ûramwarîrie!”

Ciîko 4:5

Mûthenya ûcio wîngî, anene, athuuri na arimû a watho nîmaagomanire kûu Jerusalemu.

Ciîko 6:12

Naguo ûndû ûcio nîwaunjugire andû, athuuri na arimû a Watho. Nao andû nîmaanyitire Stefano wa rîmwe na makîmûvira Kîammarî.