Mathaayo 10:2 - ÎVUKU RÎA ÛVORO MWARO

² Namo mama nîmo marîîtwa ma atûmwa acio îkûmi na aîrî: Simoni (ûrîa wîtagwa Petero), na mûrwang'ina Enderea, na ariû a Zebedii, Jakuvu na mûrwang'ina Johana;

Mathaayo 10:2 Referencias Cruzadas

Mathaayo 17:1

Mîthenya îtandatû yavîtûka, Jesû nîwocire Petero, Jakuvu na Mûrwang'ina Johana. Nîwamatongoririe makîthiî vandû kîrîmarî îgûrû na magîkara kuo marî onga.

Mathaayo 20:20

Nake mûka wa Zebedii nîwathiîre kûrî Jesû marî vamwe na avîcî ake aîrî. Nîwaturirie maru mbere ya Jesû na akîmûria amwîkîre ûndû.

Mathaayo 26:37

Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake,

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Mathaayo 4:21

Nake Jesû auma vau, nîwonire arûme engî aîrî a ng'ina ûmwe, Johana na Jakuvu. Nao maarî îtarûrî vamwe na îthe wao wetagwa Zebedii, magîtuma neti ciao. Nake Jesû nîwametire.

Maariko 1:29

Jesû na arutwa ake nîmaaumire îvoerorî na magîtonya nyomba gwa Simoni na Enderea. Nake Jakuvu na Johana maarî vamwe nao.

Maariko 13:3

Rîrîa Jesû eekarîte nthî Kîrîmarî Kîam Mîtî ya Mîtamaiyû aroretie hekarûrî, Petero, Jakuvu, Johana na Enderea, nîmaathiîre kûrî ke marî oonga na makîmwîra atîrî,

Maariko 6:30

Vuva wa ûguo atûmwa nîmaacokire kûrî Jesû na makîmwîra maûndû monthe marîa meekîte, wana marîa maathomithanîtie.

Luka 11:49

Nîûndû wa ûguo, ke ûrîa wîtagwa Ûûgî wa Ngai nîwaugire atîrî, ‘Nie nîngaamatûmîra arathi wana atûmwa. Nîmakaaûraga amwe ao na manyarire arîa engî.’

Luka 22:14

Rîrîa îvinda rîakinyire, Jesû na atûmwa ake nîmeekarire metharî kûrîa.

Luka 22:8

Nake Jesû nîwatûmire Petero na Johana akîmeera atîrî, “Thiîni mûkavarîrie irio cia pasaka nîguo tûke tûrîe.”

Luka 5:10

Nao Jakuvu na Johana; ariû a Zebedii, arîa maarutithanagia wîra na Simoni, nîmaamakire. Nwatî Jesû nîwerire Simoni atîrî, “We Petero, tiga kwîgua guoya, nîûndû kwambîrîria rîu ûgaategaga andû.”

Luka 9:10

Vîndî îrîa atûmwa maacokire nîmeerire Jesû maûndû monthe marîa meekîte. Nake Jesû nîwocire arutwa ake na akîmavira îtûûrarî rîa Bethisaida marî onga.

Johana 12:22

Nake Filipu nîwathiîre na akîra Enderea, na oîrî makîthiî makîra Jesû.

Johana 13:23

Nake mûrutwa ûmwe ûrîa Jesû eendeete nîwekarîte vakuvî na Jesû.

Johana 20:2

nîwang'aîrire akîthiî kûrî Petero na mûrutwa ûrîa wîngî Jesû eendete na akîmeera atîrî, “Nîathengutiu Mwathani kuuma mbîrîrarî na tûtiîcî kûrîa mamwigîte!”

Johana 21:2

Simoni Petero, Toma (Ûrîa wetagwa Mathatha), Nathanieli (ûrîa warî wa kuuma Kana ya Galili), na ariû a Zebedii na arutwa engî aîrî a Jesû maarî vamwe.

Johana 21:20

Petero nîwavûgûkire na akîona mûrutwa ûcio wîngî ûrîa Jesû endeete amaumîte vuva na nwake wekarîte vakuvî mûno na Jesû vîndî ya irio cia mûthiia. Mûrutwa ûcio nwake waûrîtie Jesû atîrî, “Mwathani, nî ûrîkû ûgûgûcukanîrîra?”

Johana 21:24

Mûrutwa ûcio nîke waririe maûndû mama na akîmandîka na tue nîtwîcî atî ûvoro ûrîa aaririe nî wa ma.

Johana 6:67

Kwoguo Jesû nîwaûririe arutwa ake îkûmi na aîrî atîrî, “Mue namue nîmûrenda kûthiî?”

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Johana 6:71

Jesû aaragia ûvoro wîgiî Judasi mûvîcî wa Simoni Mûsikariota, nîûndû wana ethîrwa Judasi aarî ûmwe wa arutwa arîa îkûmi na aîrî, ke nîke warî acukanîrîre Jesû.

Johana 6:8

Na mûrutwa wake wîngî wetagwa Enderea mûrwang'ina na Simoni Petero nîwerire Jesû atîrî,

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 1:26

Nao nîmaaikirie mîtî nîguo mathuure ûmwe gatagatîrî kao. Nake Mathiia akîthuurwa na agîcoka agîtaranîrua na atûmwa arîa engî îkûmi na ûmwe.

Ciîko 12:2

Nake nîwathanire akiuga Jakuvu, mûrwang'ina na Johana aûragwe na rûviû.

Ciîko 3:1

Mûthenya ûmwe Petero na Johana nîmaathiîre hekarûrî thaa kenda vîndî ya mavoya.

1Akor 15:7

Nîwacokire akiumîrîra Jakuvu na vuvarî akiumîrîra atûmwa onthe.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

1Pet 1:1

Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

2Joh 1:1

Nie mûthuuri nîrandîkîra mûndûmûka mûtîîe wa vamwe na ciana ciake arîa mendete mûno. Twa nie nienga nîmwendete, nwatî nîmwendetwe nî arîa onthe mecî ûma.

3Joh 1:1

Nie mûthuuri, nîrakwandîkîra we Gayo mûrata wakwa ûrîa mendete na ma.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 22:8

Nie Johana, nînegwire na ngîona maûndû mama monthe. Na rîrîa narîkirie kûmegua na kûmona, nie nînegwîthirie nthî magûrûrî ma mûraika ûrîa wamonetie maûndû mama, nîguo nîmûgooce.