Mathaayo 10:1 - ÎVUKU RÎA ÛVORO MWARO

¹ Jesû nîwetire arutwa ake îkûmi na aîrî vamwe, akîmava wathani wa kûrutûrûra ngoma, na kûvonia mîrimû na wonje wa mîthemba yonthe.

Mathaayo 10:1 Referencias Cruzadas

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 26:20

Na kîvwaî Kîam mûthenya wa ûcio, Jesû na arutwa arîa îkûmi na aîrî nîmeekarire nthî nîguo marîe.

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Mathaayo 9:35

Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Luka 10:19

Rîu nie nînamûva ûvoti wa kûthiî mûgîkinyangaga ciîmvuva wana tûng'aurû, na ûvoti wa kûvoota maavinya monthe ma ngoma na gûtirî kîndû gîkaamwîka naaî.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Luka 6:13

Na kîraûko gwakîa, Jesû nîwetire arutwa ake na gatagatîrî kao akîîthuurîra îkûmi na aîrî, arîa eetire atûmwa.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Johana 3:35

Îthe nîwendete Mûriû wake na nîatûmîte agîe na wathani îgûrû rîa maûndû monthe.

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 19:15

Naguo roho mûcûku nîwamerire atîrî, “Nie nîmbîcî Jesû, na nîmbîcî ûvoro wîgiî Paûlo; nwatî mue mûrî a?”

Kûguû 12:1

Naguo ûrirû mûnene na wa magegania nîwaumîrire kûu îgûrû. Nî kwarî na mûndûmûka wekîrîte riûa rîrî ta nguo, na akinyithîtie magûrû make mwerirî. Na aarî na nthûmbî ya njata îkûmi na igîrî kîongorî gîake.