Josh 9:9 - ÎVUKU RÎA ÛVORO MWARO

⁹ Nao nîmaacokerie Joshua atîrî, “Mwathi wetû tue tumîte vûrûri wa kûraca mûno. Tûkîte nîûndû nîtwîguîte ngumo ya Ngai-Mûnene, Ngai wenyu. Nîtwîguîte ûvoro wa maûndû marîa monthe eekire vûrûrirî wa Misiri.

Josh 9:9 Referencias Cruzadas

1Atha 8:41

“Na njîra wata îo mûgeni ûtarî wa andû aku a Isiraeli angîûka kuuma vûrûri wa kûraca nîûndû wa rîîtwa rîaku,

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 148:13

Andû onthe nîmakumie rîîtwa rîa Ngai-Mûnene, nîûndû rîîtwa rîake nî rînene gûkîra marîîtwa monthe. Riiri wake nî mûnene gûkîra nthî na îgûrû.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Ntha 15:14

Ndûrîrî nîciîguîte, nacio nîcinainaga irî na guoya; Afilisiti nîmagwatîtwe nî kîmako kînene.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Ndari 14:15

Ûngîûraga andû aku onthe, andû a mavûrûri marîa mengî arîa meguîte ngumo yaku, makaauga atî

Ndari 20:14

Musa nîwatûmire anjaama kuuma Kadeshi mathiî kûrî mûthamaki wa Edomu. Anjaama acio nîmaaugire atîrî, “Mûrwanyûkwe Isiraeli auga atî, we nîwîcî mathîna monthe marîa twonete.

Ciîko 8:7

Andû eengî kûu maarî na ngoma, nacio nîciaumire kûrî o igîkaaga na mûgambo mûnene. Wana andû eengî arîa maarî cionje na ithua nîmaavonirue.

Gûco 20:11

Andû a îtûûra rîu mangîkaauga marenda thayû, nîmagaatuîka ngombo cienyu na mûmarutithagie wîra na vinya.

Gûco 20:15

Ûguo nîguo mûgeeka matûûra monthe marîa marî kûraca na vûrûri ûrîa mûkûthiî gûtûûra.

Josh 9:10

Wana nîtwîguîte ûvoro wa maûndû marîa monthe eekire athamaki arîa aîrî a Amori arîa maarî mûringo wa Jorodani. Athamaki acio maarî: Sihoni mûthamaki wa Heshiboni na Ogu mûthamaki wa Bashani ûrîa watûûraga Ashitarothu.”

Josh 9:16

Mîthenya îthatû nîyavîtûkire andû a Isiraeli na andû a Gibeoni marîkia kûrûtha kîrîkanîro. Nao andû a Isiraeli nîmaamenyire atî andû acio matûûraga gûkuvî nao.

Josh 9:17

Kwoguo andû a Isiraeli nîmaambîrîrie rûgendo na vuva wa mîthenya îthatû nîmaakinyire matûûrarî marîa andû acio. Matûûra mau metagwa Gibeoni, Kefira, Beerothi na Kiriathu-jearimu.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.