Josh 9:8 - ÎVUKU RÎA ÛVORO MWARO

⁸ Nao andû acio nîmeerire Joshua atîrî, “Tue tûrî ndungata ciaku.” Nake Joshua nîwacokire akîmaûria atîrî, “Mue mûrî a na muumîte kû?”

Josh 9:8 Referencias Cruzadas

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

Gûco 20:11

Andû a îtûûra rîu mangîkaauga marenda thayû, nîmagaatuîka ngombo cienyu na mûmarutithagie wîra na vinya.

Josh 10:6

Nao andû a Gibeoni nîmaatûmanire kûrî Joshua arî Giligali kûrîa maambîte magema na makîmwîra atîrî, “Mwathi wetû ndûgatûtiganîrie! Tûtethie na ûtûvonokie nîûndû athamaki onthe a Amori arîa matûûraga vûrûrirî ûrîa ûrî irîma nîmanyitanîrîte na nîmatûtharîkîrîte!”

Josh 9:11

Agibeoni acio nîmeerire Joshua atîrî, “Atongoria etû na andû arîa matûûraga vûrûrirî wetû nîmatwîrire tûkuue irio nîûndû wa rûgendo nîguo tûke tûcemanie namue. Matwîrire twaûka tûmûrie mwîtîkîre tûtuîke ndungata cienyu na mûthondeke kîrîkanîro natue.

Josh 9:23

Nîûndû wa ûguo mwekire, nîmwagwatwa nî kîrumi. Andû enyu magatûûraga marî ngombo, maunage ngû na matavage manjî ma nyomba ya Ngai wakwa.”

Josh 9:25

Tue rîu tûrî njararî cienyu. Twîke ûrîa mûkwona kwagîrîrîte.”

Josh 9:27

Nwatî mûthenya ûcio Joshua nîwatuire andû a Gibeoni ngombo na nîmaatuîkire a kunagîra andû a Isiraeli ngû na kûmatavîra manjî na gûtavîra metha ya kîgongoona ya Ngai-Mûnene manjî. Nginya ûmûnthî ûcio nîguo wîra ûrîa matûûraga marutagîra vandû varîa vamûre va kûgoocera Ngai.