Josh 6:23 - ÎVUKU RÎA ÛVORO MWARO

²³ Kwoguo nî maathiîre na makîruta Rahabu nja, vamwe na îthe na ng'ina wana aa mûrwang'ina na andû onthe a mûciî wake. Andû a mûciî wake onthe na ngombo nîmaavirirwe vakuvî na varîa andû a Isiraeli maambîte magema na vataarî na thîna.

Josh 6:23 Referencias Cruzadas

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 18:24

Ethîrwa kûrî na andû mîrongo îtano aro gûkû îtûûrarî, nîûgûcûkangia îtûûra rîonthe na ûrege kûrîvonokia nîûndû wa andû mîrongo îtano arîa athingu marî kuo?

Kîam 19:29

Kwoguo rîrîa Ngai aacûkangagia matûûra marîa maarî Kîamnda kîu kûrîa Loti aatûûraga, nîwaririkanire Iburahimu na agîtûma Loti ethare nîguo ndakaûragwe.

Ndari 31:19

Muonthe arîa mûragîte mûndû kana mûvutîtie kimba nwanginya mwîkare nja ya kûrîa mwambîte magema îvinda rîa mîthenya mûgwanja. Mûthenya wa kathatû na mûthenya wa mûgwanja, mwîtherie vamwe na aka arîa mûtavîte.

Ciîko 10:28

Nîwamerire atîrî, “Mue andû aya nîmwîcî waro atî Ayahudi tî etîkîrie nî ndini yao matukane kana maceranîre na Andû a Ndûrîrî. Nwatî Ngai nîamonetie atî nie ndiagîrîrwe nî kuga mûndû wana ûrîkû atî arî na mûgiro kana atî tî mûtheru.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

1Akor 5:12

Wîra wakwa tî wa gûtuîra arîa marî nja ya kanitha. Nwatî mue mwagîrîrwe nî gûtucagîra andû arîa marî ndaarî ya kanitha.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Josh 2:13

Îranîrani atî nîmûkaavonokia vava, nyanya, aa mûrwaiya, aa mwarwaiya na mîciî yao matikaaûragwe!”

Josh 2:16

Nake Rahabu nîwerire athigani acio atîrî, “Thiîni irîmarî mûkethithe kuo nîguo andû a mûthamaki arîa mamûrûmîrîrîtie matîkamwone. Îkarani kuo îvinda rîa mîthenya îthatû nginya rîrîa magaacoka. Vuva wa ûguo mûkaaumîra mwîthiîre.”

Josh 2:18

Nawe ûgeeka atîrî, rîrîa tûkaatharîkîra vûrûri ûyû wenyu, ûkaathaîkîrîra kamûkumbû ka rangi ya njambarawe ndiricarî îrîa watûrutîre ûgîtûnyûrûrûkia. Nao andû enyu onthe, aguo, nyûkwe, na aa mûrwanyûkwe ûkaamatonyia gwaku nyomba.

Atir 1:25

Nake nîwamoonirie njîra ya gûtonya îtûûra rîu. Nao athigani acio nîmaatonyire îtûûra rîu makîûraga andû onthe a kuo, nwatî nîmaarekererie mûndû ûcio na andû a mûciî wake.