Josh 6:22 - ÎVUKU RÎA ÛVORO MWARO

²² Joshua nîwacokire akîra andû aîrî arîa maathiîte kûthigana vûrûri ûcio atîrî, “Thiîni nyombarî ya Rahabu ûrîa mûmaraa, mûmûrute kuo wa vamwe na andû a nyomba yake wata ûrîa mwarîkanîre nake.”

Josh 6:22 Referencias Cruzadas

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

2Sam 21:7

Nwatî Daudi nîwavonokirie Mefiboshethu, mûvîcî wa Jonathani. Jonathani aarî mûvîcî wa Saûlo. Daudi aavonokirie Mefiboshethu nîûndû wa mwîvîtwa ûrîa ke mwene na Jonathani meevîtanîrîte mbere ya Ngai-Mûnene.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Ezek 17:13

Nîwocire mûndû ûmwe wa mûciî wa mûthamaki wa Jerusalemu na akîthondeka kîrîkanîro nake na agîtûma evîte. Nîwarutire andû arîa marî njamba vûrûrirî na akîthiî nao,

Ezek 17:16

Ngai-Mûnene augîte atîrî, “Wata ûrîa Nie ndûûraga mwoyo, nama mûthamaki ûcio agaakuîra Babuloni kûrîa mûthamaki ûrîa wamwîvîtithirie na akîmûtua mûthamaki atûûraga, nîûndû nî anyararîte muma ûrîa aanyuire na nîaunîte kîrîkanîro kîrîa maarûthire na mûthamaki wa Babuloni.

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Josh 6:17

Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.

Josh 6:23

Kwoguo nî maathiîre na makîruta Rahabu nja, vamwe na îthe na ng'ina wana aa mûrwang'ina na andû onthe a mûciî wake. Andû a mûciî wake onthe na ngombo nîmaavirirwe vakuvî na varîa andû a Isiraeli maambîte magema na vataarî na thîna.

Josh 9:15

Joshua nîwarûthire kîrîkanîro Kîam thayû na andû a Gibeoni na akîreka matûûre mwoyo. Nao atongoria a andû a Isiraeli nîmeevîtire na makîranîra atî nîmakûmenyerera kîrîkanîro kîu maarûthire.

Atir 1:25

Nake nîwamoonirie njîra ya gûtonya îtûûra rîu. Nao athigani acio nîmaatonyire îtûûra rîu makîûraga andû onthe a kuo, nwatî nîmaarekererie mûndû ûcio na andû a mûciî wake.