Josh 6:21 - ÎVUKU RÎA ÛVORO MWARO

²¹ Andû a Isiraeli nîmaaûragire andû onthe arîa maarî îtûûrarî arûme na aka, andû ethî wana arîa akûrû, ng'ombe, ng'ondu na mvunda. Maaûragire andû na nyamû icio na mviû.

Josh 6:21 Referencias Cruzadas

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

Jeremia 48:18

Mue atûûri a Diboni, umani itîîrî cienyu cia gîtîîo, mwîkare nthî rûkûngûrî. Nîûndû mûcûkangia wa Moabu nîwakinya, nîacûkangîtie kûrîa kûgitîre.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Gûco 2:34

Nîtwanyitire na tûgîcûkangia matûûra monthe na tûkîûraga arûme onthe, aka onthe na ciana. Gûtirî mûndû wanarî ûmwe watigarire.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Josh 10:28

Joshua nîwatharîkîre îtûûra rîa Makeda na nîwarînyitire mûthenya ûcio. Nîwaûragire mûthamaki na andû onthe arîa maarî îtûûrarî rîu na gûtirî mûndû wana ûmwe watigirwe arî mwoyo. Eekire mûthamaki wa Makeda wata ûrîa eekire mûthamaki wa Jeriko.

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

Josh 11:11

Nîmaaûragire andû onthe arîa maarî îtûûrarî rîu, makîrîvîvia na gûtirî mûndû wana ûmwe watigarire arî mwoyo.

Josh 11:14

Andû a Isiraeli nîmaaûragire andû onthe arîa maarî matûûrarî mau na gûtirî mûndû wana ûmwe watigarire arî mwoyo. Nwatî nîmeigîre indo cia vata na nyamû cia kûrîthua irîa maatavîte.

Josh 8:2

Mûgeeka îtûûra rîa Ai vamwe na mûthamaki warîo wata ûrîa mwekire îtûûra rîa Jeriko na mûthamaki warîo. Nwatî vîndî îno nwa mwîigîre indo irîa mûgaatava kuo na nyamû cia kûrîthia. Îîvarîrie kûtharîkîra îtûûra rîu wa rîmwe kuuma na mwena wa vuva.”

Josh 8:22

Nao Aisiraeli arîa maarî îtûûrarî nîmaanyûrûrûkire nîguo magatethanie na arîa engî. Kwoguo andû a Ai nîmaathiûrûrûkîrue nî andû a Isiraeli na onthe makîûragwa. Gûtirî mûndû watigarire onthe nîmaaûragirwe,

Josh 9:3

Andû a Gibeoni nîmeguire ûrîa Joshua eekîte matûûra ma Jeriko na Ai

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 15:8

Saûlo nîwanyitire Agagi, mûthamaki wa Amaleki arî mwoyo na akîûraga andû onthe.