Josh 3:16 - ÎVUKU RÎA ÛVORO MWARO

¹⁶ manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.

Josh 3:16 Referencias Cruzadas

Kîam 14:3

Athamaki aya atano nîmaatukanîre athigari ao kûu Kîamndarî Kîam Sidimu (Kana Îria rîa cumbî).

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

1Atha 7:46

Mûthamaki Solomoni aarûthithîrie indo icio Jorodani kûndû kûrîa kwaraganu kwarî na mûthetu wa yûmba gatagatîrî ga Sukothu na Zarethani.

Thaburi 114:3

Îria rîonire ûndû ûcio na rîkîûra, rûnjî rwa Jorodani rûgîtiga kûnyûrûrûka.

Thaburi 114:5

We îria, gwekîkire atîa nîguo ûûre? Nawe Jorodani, watigire kûnyûrûrûka nîkî?

Thaburi 29:10

Ngai-Mûnene nîke wathaga îria, ke atûûraga arî mûthamaki tene na tene.

Thaburi 33:7

Aaûnganirie manjî monthe ma îriarî na akîmaiga vandû vamwe, aavingîre manjî monthe vamwe ta mûndû avingîrîte irio makûmbîrî.

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 74:15

We nîwatûmire kûgîe na ithima cia manjî na tûrûnjî, nîwatûmire nyûnjî irîa nene inyare.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:21

Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 14:22

Nao andû a Isiraeli nîmaavîtûkîrîre nthî nyûmû îriarî, na manjî mavana ta nthingo igîrî, rûmwe mwena wao wa ûrîo na rûu rwîngî mwena wao wa ûmotho.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Ntha 15:8

Na njîra ya mîvevû yaku manjî nîmeyûmbanîrîre makîrûngama ta rûthingo; kûrîa kûrikîru kwa îria gûgîtuîka kûndû kûnyaru.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Ezek 47:8

Nîwambîrire atîrî, “Manjî mama manyûrûrûkaga mavîtûkagîra vûrûrirî wa mwena wa îrathîro mathiîte Kîamndarî Kîam Jorodani. Na makinya îriarî rîa cumbî nîmatûmaga manjî ma îria rîu matuîka maro.

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Ndari 34:3

Mûvaka wenyu wa mwena wa îveti ûkeethîrwa umîte werûrî wa Zini ûvîtûkîrîrîte mwena wa Edomu. Ûkaambîrîria mwena wa îrathîro wa îria rîa Cumbî rîrîa rîrî mwena wa îveti.

Gûco 1:1

Îvukuurî rîîrî nîkuo kûrî na mîario ya Musa îrîa aarîrie andû a Isiraeli vîndî îrîa maarî werûrî mwena wa îrathîro wa rûnjî rwa Jorodani. Maarî Kîamndarî Kîam Jorodani kwerekera Sufi, gatagatî ka îtûûra rîa Parani mwena ûmwe na matûûra ma Tofeli, Labani, Hozerothu na Dizahabu mwena ûcio wîngî.

Gûco 3:17

Nînaacokire ngîmava werû wa Araba vamwe na ndeere cia rûnjî rwa Jorodani kuuma Îria rîa Galilee nginya Îria rîa Cumbî rîrîa rîrî mwena wa îveti, na nginya nthî ya kîrîma Kîam Pisiga mwena wakîo wa îrathîro.

Josh 12:3

Mwena wa îthûîro mûvaka wa vûrûri ûrîa aathanaga waumîte Kîamndarî Kîam rûnjî rwa Jorodani îriarî rîa Galili mwena wa îveti nginya Bethi Jeshimothi mwena wa îrathîro wa îria rîa Cumbî na ûkîthiî nginya nthî ya kîrîma Kîam Pisiga.

Josh 15:2

Mwena wa îveti, mûvaka wao waumîte mûthiiarî wa mwena wa îveti wa îria rîa cumbî.

Josh 16:7

Kuuma Janoa nîwanyûrûrûkîte ûkathiî Atarothi na Naara, ûgîkinya Jeriko na ûkîthirîra rûnjîrî rwa Jorodani.

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Josh 4:22

nîmûkaamera ûrîa rûnjî rwa Jorodani rwatigire kûvîta na andû a Isiraeli makîringîra nthî nyûmû.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.