Josh 3:15 - ÎVUKU RÎA ÛVORO MWARO

¹⁵ Rîrîa makinyo ma athînjîri-Ngai acio maakuuîte îthandûkû rîa kîrîkanîro maakinyire manjî rûtererî rwa rûnjî rwa Jorodani, (vîndî ya maketha, rûnjî rwa Jorodani nîrwecûraga na rûkauna),

Josh 3:15 Referencias Cruzadas

2Atha 2:6

Elija nîwacokire akîra Elisha atîrî, “Nakûthaitha îkaraga ava nîûndû Ngai-Mûnene nîandûmîte nthiî rûnjîrî rwa Jorodani.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo atî, tî ngûtiga.” Kwoguo wa oîrî nîmaathiîre Jorodani,

1Maû 12:15

Mwerirî wa mbere wa mwaka, rîrîa rûnjî rwa Jorodani rwîcûraga andû aya nîmaaringire rûnjî na makîngata andû arîa maatûûraga ciandarî na andû acio makînyaganîria mîenarî ya îrathîro na îthûîro rîa rûnjî rwa Jorodani.

1Maû 12:16

Vîndî îmwe arûme kuuma mûvîrîgarî wa Benjamini na wa Juda nîmaathiîre kûrî Daudi arî varîa vagitîre mûno.

Isaia 26:6

Îtûûra rîu nîrîkinyangagwa, na magûrû ma athîni, na ma ngîa.

Jeremia 12:5

Ngai-Mûnene arauga atîrî, “Ethîrwa nîûcindanîte na arîa mathiîcaga na magûrû na ûkanoga, nwa ûvote gûcindana na mbarathi? Na ethîrwa we ûgûcaga kûrîa gûtarî na kîndû gîa gûkûvînga, ûgeka atîa mûtitûrî wa Jorodani?

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Josh 4:18

Nao athînjîri-Ngai makuuîte îthandûkû rîa kîrîkanîro Kîam Ngai-Mûnene nîmaaumire rûnjîrî gatagatî. Na rîrîa maakinyire nguvarî ya rûnjî, manjî nîmaambîrîrie kûnyûrûrûka rîngî. Naruo rûnjî nîrwecûrire na rûkiuna rîngî wata ûrîa rwekariî mbere ya maringa.