Josh 22:6 - ÎVUKU RÎA ÛVORO MWARO

⁶ Kwoguo Joshua nîwamarathimire na akîmeera mathiî. Nao nîmaathiîre kwao mîciî.

Josh 22:6 Referencias Cruzadas

Kîam 14:19

Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu!

Kîam 47:10

Jakovu nîwarathimire mûthamaki wa Misiri agîcoka akîthiî.

Kîam 47:7

Josefu nîwacokire akîvira îthe Jakovu kûrî mûthamaki wa Misiri, na Jakovu akîrathima mûthamaki wa Misiri.

2Sam 6:18

Rîrîa Daudi aarîkirie kûruta magongoona mau, nîwarathimire andû na rîîtwa rîa Ngai-Mûnene mwene vinya wonthe,

2Sam 6:19

na akîmagaîra irio onthe. Nîwamavere wa mûndûmûrûme na mûndûmûka wa wonthe wa Isiraeli mûgate, gîcunjî Kîam nyama îrî mvîvie na geki ya thavibu ino nyûmithie. Andû nîmaacokire wa mûndû akînûka gwake mûciî.

2Sam 6:20

Vuvarî rîrîa Daudi aathiîre kûrathima andû a mûciî wake, Mikali mwarî wa Saûlo nîwathiîre kûmûtûnga na akîra Daudi atîrî, “Kaî mûthamaki wa Isiraeli nîatûmîte atîwe ûmûnthî-î! Ke eguûririe nguo yake ya ûthamaki methorî ma ndungata ciake cia erîtu ta mûndû mûritu!”

1Atha 8:66

Mûthenyarî wa kanana, Solomoni nîwerire andû menûke. Nao nîmaaugîre mûthamaki ûvoro na makînûka kwao mîciî makenete na makîgucaga waro ngororî ciao nîûndû wa maûndû monthe maro marîa Ngai-Mûnene eekîte Daudi ndungata yake, vamwe na andû ake a Isiraeli.

2Maû 30:18

Andû eengî a kuuma Efiraimu, Manase, Isakaru na Zebuluni matietheretie, nwatî nîmaarîre pasaka matakûrûmîrîra ûrîa kwathanîtwe, nîûndû mûthamaki Hezekia nîwavoete Ngai-Mûnene nîûndû wao akiuga atîrî, “Ngai-Mûnene na mwaro, nakûthaitha wovere andû onthe

Ntha 39:43

Musa nîwaroririe wîra wonthe na akîona atî nîwarutîtwe wata ûrîa Ngai-Mûnene aathanîte. Kwoguo Musa nîwamarathimire.

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Luka 24:50

Jesû nîwamatongoririe makiuma kûu îtûûrarî rîu na makîthiî îtûûrarî rîa Bethania. Nîwacokire agîûkîrîria njara ciake na akîmarathima.

Josh 14:13

Joshua nîwarathimire Kalebu mûvîcî wa Jefune. Nîwacokire akîmûva îtûûra rîa Heburoni rîtuîke îgai rîake.

Josh 24:28

Joshua nîwerire andû mathiî, na wa mûndû nîwathiîre vûrûrirî ûrîa aaumîte.

1Sam 10:25

Vîndî îo Samueli nîwataarîrie andû ûvoro wîgiî mawîra ma mûthamaki na agîcoka akîandîka mawîra mau îvukuurî, na akîriiga vandû varîa vatheru. Ke nîwacokire akîîra andû onthe menûke mîciî kwao.

1Sam 13:2

Saûlo nîwathuurire arûme ngiri ithatû (3,000) a kuuma Isiraeli. Ke nîwekarire na arûme ngiri igîrî cia acio kûu Mikimashi na vûrûri ûrîa ûrî irîma wa Betheli. Nîwacokire akîîra mûvîcî ûrîa wetagwa Jonathani mathiî kûu Gibea marî na arûme ngiri îmwe. Gibea yarî vûrûrirî wa mûvîrîga wa Benjamini. Agîcoka akîîra acio engî menûke, wa mûndû gwake mûciî.

1Sam 2:20

Nake Elikana wa vamwe na mûndûmûka wake nîwarathimagwa nî Eli na Eli akeera Elikana atîrî, “Ngai-Mûnene arokûva ciana ciîngî ciumanîte na mûndûmûka ûyû irîa ikeethîrwa irî îthenyarî rîa mwana ûyû ke aamûrîîre Ngai-Mûnene.” Na vuva wa ûguo makeenûka kwao mûciî.