Josh 22:5 - ÎVUKU RÎA ÛVORO MWARO

⁵ Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”

Josh 22:5 Referencias Cruzadas

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 78:7

Na njîra îo nîmakaaiga mwîvoko wao kûrî Ngai, na matikaariganîrwa nî ûrîa ekîte, nwatî nîmakaavingagia maathani make vîndî cionthe.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 20:6

Nîmonanagia wendo ûtathiraga kûrî andû ngiri nyîngî arîa mamendete na megucaga maathani makwa.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Ntha 23:25

Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Mathaayo 22:37

Nake Jesû nîwamûcokerie atîrî, “Enda Mwathani, Ngai waku na ngoro yaku yonthe, na mwoyo waku wonthe, wana meciria maku monthe.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Luka 1:74

atî nîagaatûvonokia kuuma njararî cia nthû cietû, na atwîtîkîrie tûmûtungatagîre tûtarî na guoya,

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 14:15

“Ethîrwa nîmûmendete, mûkaathîkagîra maathani makwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 27:23

Ûtukû wa îgoro mûraika wa Ngai, Ngai ûrîa nîrî wake na ngoocaga, nîaranyumîrîre

Aroma 1:9

Nake Ngai ûrîa ndungatagîra na ngoro yakwa yonthe na njîra ya kûvunjia Ûvoro Mwaro wa mûrû wake nî mûira atî nînîmûririkanaga

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 5:10

Nwatî nîngoonania wendo ûtathiraga kûrî andû ngiri nyîngî, arîa mamendete na mathîkagîra maathani makwa.

Gûco 6:17

Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

Josh 23:8

Nwatî, îthagîrwani mûrî evokeku varî Ngai-Mûnene, wata ûrîa mûtûûrîte mûrî evokeku nginyagia ûmûnthî.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”