Josh 2:19 - ÎVUKU RÎA ÛVORO MWARO

¹⁹ Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.

Josh 2:19 Referencias Cruzadas

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

2Sam 4:11

Kaî andû aganu, arîa maûragîte mûndû mûthingu amamîte nyomba gwake nî makethîrwa marî na thîna-î! Rîu nînîîrîvîrîria namue nîûndû wa kûmûûraga. Nînîmûraga muonthe mûthire!”

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Ntha 12:13

Nthakame îrîa mûkaavaka itugîrî cia mîrango nîyo îkeethîrwa îrî rûûri rwa kwonania nyomba irîa mûtûûraga. Nona nthakame nîngaavîtûka mîciî yenyu na mûtikoona ûndû mûcûku ngîverithia andû a Misiri.

Ntha 12:22

Na mwoce hisofu yovetwe kîmanja na mûmîvutukie mbakûrirî îrîa îkîrîtwe nthakame ya tûtûrûme. Nthakame îo îvakwe itugîrî cia mîrango na mîkîgo îgûrû rîa mîrango ya nyomba cienyu. Mûndû wana ûrîkû ndakaume nyomba nginyagia rûyû kîraûko.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Alawi 20:11

Mûndûmûrûme ûrîa ûkaamenyana kîîmwîrî na ûmwe wa aka a îthe, nîagaaconorithia îthe. Mûndûmûrûme ûcio na mûndûmûka ûcio nîmakaaûragwa. Ikuû cia andû acio oîrî ikaaumana na gîîko Kîamo o ene.

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Mathaayo 24:17

Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 20:26

Kwoguo ûmûnthî ûyû nie nîvîta atî mûndû wana ûmwe gatagatîrî kenyu angîkaaûra, nie ndikaûrua nthakame yake,

Ciîko 27:31

Nwatî Paûlo nîwerire mûnene wa athigari îgana na athigari acio engî atîrî, “Ethîrwa amenyereri aya a meri tî mekara gûkû merirî, mue tîmûvonokia mîoyo yenyu.”

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Josh 2:12

Kwoguo îîvîteni mbere ya Ngai-Mûnene atî nîmûgaatwîguîra ntha mûtûvonokie, nie na mûciî wetû wata ûguo namwîguîra ntha. Monia kîrîa gîgaatûma mbîtîkia.

Josh 2:14

Nao arûme acio nîmaamwîrire atîrî, “Ethîrwa ndûkeera mûndû wana ûrîkû ûrîa twîthîrîtwe tûgîka, nîtûkwîranîra na ma atî nîtûgaakwîguîra ntha rîrîa Ngai-Mûnene agaatûvotithia kwîgwatîra vûrûri ûyû. Na tûngîkaarega kûvingia ûguo tweranîra, Ngai nîagaatûûraga.”

Josh 2:20

Nwatî namue mûngîkeera mûndû ûrîa twîthîrîtwe tûgîka gûkû muma ûcio mwatûma twîvîta naguo ndûgaatûgwata.”