Josh 2:18 - ÎVUKU RÎA ÛVORO MWARO

¹⁸ Nawe ûgeeka atîrî, rîrîa tûkaatharîkîra vûrûri ûyû wenyu, ûkaathaîkîrîra kamûkumbû ka rangi ya njambarawe ndiricarî îrîa watûrutîre ûgîtûnyûrûrûkia. Nao andû enyu onthe, aguo, nyûkwe, na aa mûrwanyûkwe ûkaamatonyia gwaku nyomba.

Josh 2:18 Referencias Cruzadas

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 7:1

Ngai-Mûnene nîwerire Nuhu atîrî, “Tonya thabinarî mûrî na andû aku onthe. Nie nîmonete atî we ûrî mûndû mûthingu gûkû nthî yonthe.

Esita 8:6

Nîngîûmîrîria atîa kwona andû akwa makînyarirwa kana andû etû makîûragwa?”

Ntha 12:13

Nthakame îrîa mûkaavaka itugîrî cia mîrango nîyo îkeethîrwa îrî rûûri rwa kwonania nyomba irîa mûtûûraga. Nona nthakame nîngaavîtûka mîciî yenyu na mûtikoona ûndû mûcûku ngîverithia andû a Misiri.

Rwîmbo rwa Nyîmbo 4:3

Mîromo yaku îkariî ta rûrigi rûtune, îthagîrwa îrî mîaro mûno rîrîa ûkwaria. Makai maku matuvîte ta inuku igîrî cia ngûngûmanga, mamikîtwe nî gîtambaa gîaku.

Alawi 14:4

Mûthînjîri-Ngai nîakaathana iconi igîrî ntheru ikaavirwa, vamwe na kamûtî ka mûtarakwe, mûkumbû mûtune na karûvûa ka hisofu, nîûndû wa mûndû ûcio ûkûtherua.

Ndari 19:6

Mûthînjîri-Ngai nîagoca mûtî wa mûtarakwe, hisofu na rûrigi rûrû rûtune na acikie mwakirî ûcio.

Ndari 4:8

Nîmagaacoka maigagîrîre gîtambaa gîtuune îgûrû rîa indo icio cionthe na maikunîkîre na rûûo rwa mbûri rûrî rûtanduke, macoke macinîke mîtî ya gûkua metha îo.

Luka 19:9

Nake Jesû nîwamwîrire atîrî, “Ûmûnthî ûyû ûvonokio nîwaûka mûciî ûyû nîûndû mûndû ûyû wa nake nî wa mbarî ya Iburahimu.

Ciîko 10:27

Nake Petero wa akîaragia na Korinelio, nîwatonyire kûu nyomba na akîthîrîria andû eengî mûno macemanîtie kuo.

Ciîko 10:33

Kwoguo nînaagûtûmanîre rîmwe, na we nîweka waro mûno nîûndû nîwaûka. Rîu tue tuonthe tûrî ava mbere ya Ngai tûthikîrîrîtie wa ûrîa wonthe we ûgûtwîra wathîtwe nî Mwathani.”

Ciîko 11:14

Ke nîagûkûva ndûmîrîri îrîa îgûtûma we na andû onthe a mûciî waku mûvonoke.’

2Tim 1:16

Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,

Ahib 9:19

Ûndû wa mbere ûrîa Musa eekire, nî kûmenyithia andû onthe maathani monthe wata ûrîa mandîkîtwe Wathorî. Nîwacokire agîoca nthakame ya ndegwa na ya mbûri akîmîtukania na manjî, na akîmîminjaminjîria îvuku rîa Watho na kûrî andû onthe akîvûthagarî karûthanju ka Hisovu kovereretwe guoya ndune.

Josh 2:21

Rahabu nîwetîkirie na nîwamarekererie makîthiî. Na marîkia kûthiî nîwoverere kamûkumbû karîa ka rangi wa njambarawe ndiricarî ya nyomba yake.

Josh 6:23

Kwoguo nî maathiîre na makîruta Rahabu nja, vamwe na îthe na ng'ina wana aa mûrwang'ina na andû onthe a mûciî wake. Andû a mûciî wake onthe na ngombo nîmaavirirwe vakuvî na varîa andû a Isiraeli maambîte magema na vataarî na thîna.

Josh 6:25

Nwatî Joshua nîwavonokirie Rahabu ûrîa mûmaraa, îthe na nyomba yake na arîa onthe metanîtue nake, nîûndû nîwathithire andû arîa maatûmîtwe nî Joshua makathigane îtûûra rîu. Rahabu na andû a nyomba yao nwa matûîre Isiraeli nginya ûmûnthî.