Josh 15:13 - ÎVUKU RÎA ÛVORO MWARO

¹³ Ngai-Mûnene nîwathîte Joshua na akîmwîra akaagaîra Kalebu mûvîcî wa Jefune gîcunjî Kîam vûrûri wa Juda. Kwoguo Joshua nîwagaîrwe Kalebu Heburoni îtûûra rîa Ariba Îthe wa Anaki. Jefune îthe wa Kalebu aarî wa mûvîrîga wa Juda.

Josh 15:13 Referencias Cruzadas

Kîam 13:18

Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.

Kîam 23:2

Nîwacokire agîkuîra Heburoni vûrûrirî wa Kanaani, na Iburahimu nîwacakaire nîûndû wa gîkuû gîake.

2Sam 2:1

Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”

1Maû 6:56

Nwatî mîgûnda ya îtûûra rîa Heburoni na icagi ciarîo ciagaîrwe Kalebu mûvîcî wa Jefune.

2Maû 11:10

Zora, Aijaloni, na Heburoni. Matûûra mama maarî vûrûrirî wa Juda na wa Benjamini.

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Ndari 13:6

Kalebu mûvîcî wa Jefune kuuma mûvîrîgarî wa Juda,

Josh 11:21

Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

Josh 20:7

Kwoguo nîmaamûrire îtûûra rîa Kedeshi rîrîa rîrî Galili vûrûrirî ûrîa ûrî irîma wa Nafutali. Nîmaacokire makîamûra Shekemu îtûûra rîrîa rîrî vûrûrirî ûrîa ûrî irîma wa Efiraimu na Heburoni (Nîrîo Kiriathariba) vûrûrirî wa Juda ûrîa ûrî irîma.

Josh 21:11

Nîmaaveerwe Kîriathi-arima (Ariba nîke îthe wa Anaki) na nîyo îtagwa rîu Heburoni vûrûrirî ûrîa ûrî irîma wa Juda, vamwe na mavûrûri ma kûrîthia marîa mathiûrûrûkîrîtie îtûûra rîu.

Atir 1:10

Andû acio a Juda nîmaacokire makîthiî kûrûa na Akanaani arîa maatûûraga îtûûrarî rîa Heburoni. Îtûûra rîu rîa Heburoni mbererî rîetagwa Kîriathi-ariba. Andû acio a Juda nîmaavootire andû a mbarî ya Shashai, Ahimani na Tulimani.

Atir 1:20

Kalebu nîwaverwe îtûûra rîa Heburoni wata ûrîa Musa aaugîte. Nake Kalebu nîwengatire avîcî athatû a Anaki kuuma kuo.

1Sam 25:3

Mûndû ûcio eetagwa Nabali na mûka eetagwa Abigaeli. Abigaeli aarî mûthaka na mûûgî, nwatî mûthuuriwe aarî mûthunu na mûrakari na îvenya.

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”

1Sam 30:31

Heburoni, na kûndû kuonthe kûrîa Daudi na andû ake maaûrûraga.