Josh 15:14 - ÎVUKU RÎA ÛVORO MWARO

¹⁴ Kalebu nîwengatire njiarwa cia Anaki kuuma îtûûrarî rîa Heburoni. Njiarwa icio ciarî cia mbarî ya Sheshai, Ahimani na Talimai.

Josh 15:14 Referencias Cruzadas

2Sam 21:16

Mûndû ûmwe warî mûnene mûno wetagwa Ishibibenobu, ûrîa wakuuîte îtumû rîa gîcango rîrîa rîarî na ûrito wa kilo ta ithatû na nuthu nîweciririe kûûraga Daudi. Mûndû ûcio eyoveete rûviû rûrû rûcerû kîûnûrî.

Ndari 13:33

Wana nîtwonire njiarwa cia Anaki, andû arîa megana marimû, tweyonire tûnyivîte ta mvandi tûrî mbere yao. Na wanao nwaguo moonaga twîgana.”

Gûco 9:2

Andû a mavûrûri mau nî araca na marî vinya; nî avîcî a Anaki ûrîa mwîcî na mwegwire gûkîarua ûvoro wake atî, gûtirî mûndû ûngîtirîria andû ake mbaararî.

Josh 11:21

Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

Josh 11:22

Vûrûrirî wa Isiraeli gûtirî mûndû wa kîruka Kîam Anaki watigarire arî mwoyo. Andû mataarî engî ao maatigarire matûûrarî ma Gaza, Gathu na Ashidodi.

Atir 1:10

Andû acio a Juda nîmaacokire makîthiî kûrûa na Akanaani arîa maatûûraga îtûûrarî rîa Heburoni. Îtûûra rîu rîa Heburoni mbererî rîetagwa Kîriathi-ariba. Andû acio a Juda nîmaavootire andû a mbarî ya Shashai, Ahimani na Tulimani.

Atir 1:20

Kalebu nîwaverwe îtûûra rîa Heburoni wata ûrîa Musa aaugîte. Nake Kalebu nîwengatire avîcî athatû a Anaki kuuma kuo.