Danieli 8:3 - ÎVUKU RÎA ÛVORO MWARO

³ Vau rûtere rwa rûnjî nînoonire ndûrûme yarî na mvîa igîrî ndaca, nwatî rûvîa rûmwe rwarî rûraca gûkîra rûu rwîngî, na nîruo rwaumire vuva.

Danieli 8:3 Referencias Cruzadas

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Ezira 1:2

“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Ezira 4:5

Nîmaacokire makîrîva anene a thirikari ya Perisia mbeca nîguo macûkangie mîvango yao. Meekarire magîkaga ûguo îvinda rîonthe rîrîa Cairasi eethîrwe arî mûthamaki wa Perisia nginya îvinda rîa wathani wa Dario.

Esita 1:3

Mwaka wa kathatû kuuma mûthamaki Ahasuerusi ambîrîria kwathana, nîwarugithirie kîrugo kînene na agîta anene onthe na andû arîa maarî îgweta vûrûrirî ûcio.

Isaia 13:17

Ngai-Mûnene arauga atîrî, “Nîngaaringîrîra Amede nîguo matharîkîre Babuloni. Mavûrûri mama matiûragia sîlûva, na matikenagua nî thaavu.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Danieli 10:5

nînaroririe îgûrû na ngîona mûndû wekîrîte nguo mbaro, na weyovete mûcivi wa thaavu ntheri.

Danieli 2:39

Vuva waku, nîgûgaaûka ûthamaki wîngî ûtarî na vinya ta waku, na vuva wa ûcio, gûke ûthamaki wîngî wa kathatû. Ûthamaki ûcio wa kathatû ûkethîrwa ûrî wa gîcango, na ûkaatha nthî yonthe.

Danieli 5:31

na Dario wa kuuma vûrûri wa Mede nîwatwîkire mûthamaki arî na ûkûrû wa mîaka mîrongo îtandatû na îîrî (62).

Danieli 6:28

Kwoguo Danieli nîwekindîrie na akîganîra vîndî ya wathani wa mûthamaki Dario na vîndî ya wathani wa mûthamaki Cairasi wa Perisi.

Danieli 7:5

“Nayo nyamû ya kaîrî yekariî ta Kîamthi nîyaumîrire na îkîrûgama na magûrû mayo ma vuva. Nyamû îo yanyitîte mbaru ithatû na magego. Nayo nîyerirwe atîrî, ‘Rîa nyama nyîngî wata ûrîa ûkavota.’

Danieli 8:2

Na njîra ya kîoneki kîu nîneyonire nîrî Susa, îtûûra rînene rîa vûrûri wa Elamu. Noonire nûngamîte rûtere rwa Rûnjî rwa Ulai.

Danieli 8:20

“ ‘Ndûrûme îrîa wonire îrî na mvîa igîrî, yonanagia mothamaki maîrî, na nîmo: Media na Perisi.

Zakaria 1:18

Nînaacokire ngîroria na ngîona mvîa inya.

Zakaria 2:1

Nînaroririe na ngîona kûrî na mûndû warî na rûrigi rwa kûthima arûgwete na njara.

Zakaria 5:1

Nînaacokire ngîroria rîngî, na ngîona îvuku rîa gîkûnjo rîrî rîerarî rîgûrûkîte!

Zakaria 5:5

Mûraika ûrîa twaragia nake nîwaûkire na akîmbîra atîrî, “Taroria wone kîndû kîîrîa gîûkîte.”

Zakaria 5:9

Nînacokire ngîroria ngîona aka aîrî maûkîte na varîa naarî magûrûkîte na mathagu mekariî ta ma mwang'au. Aka acio nîmoocire gîkavu kîu na makîgûrûka nakîo rîerarî.

Zakaria 6:1

Nînaroririe rîngî na ngîona kîoneki. Noonire ikaari inya cia mbarathi ikiumîra gatagatî ka irîma igîrî. Irîma icio ciarî cia cuuma ya gîcango.

Ndari 24:2

Balaamu nîwaroririe andû a Isiraeli na akîona wa mûvîrîga wambîte magema vandû va guo. Nîwatonyirwe nî Roho wa Ngai,

Josh 5:13

Joshua arî vakuvî Jeriko, nîwonire mûndû arûngamîte mbere yake anyitîte rûviû. Joshua nîwathiîre varî ke na akîmûria atîrî, “We wî wetû kana ûrî wa nthû cietû?”

Kûguû 13:11

Nînacokire ngîona nyamû îngî yaumire nthî. Nyamû îo yarî na mvîa igîrî ta kagondu na yaragia ta njûnamatu.

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.