Danieli 8:4 - ÎVUKU RÎA ÛVORO MWARO

⁴ Nînoonire ndûrûme îo îkîtharîkîra mwena wa îthûîro, rûgûrû, na wa îveti. Gûtirî nyamû îngîamîtirîrie, na gûtirî nyamû îngîetethûrire kûrî yo. Yekaga wa ûrîa îkwenda na nîyeyonaga îrî na vinya mûno.

Danieli 8:4 Referencias Cruzadas

1Atha 22:11

Ûmwe wa arathi acio, Zedekia mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene arauga atî; ‘Ûgaatûmîra ino ûkîrûa na Asîria nginya rîrîa ûkaamavoota viû.’ ”

Ayubu 10:7

We nîwicî atî ndirî mwîviu, na atî gûtirî mûndû ûngîndethûra kuuma kûrî we.

Thaburi 44:5

Na vinya waku nîûtûvotithagia kûvoota nthû cietû, rîîtwarî rîaku nîtûvootaga arîa matûtharîkagîra.

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Thaburi 7:2

nîûndû warega kûmvonokia, nîmandambururanga ta mûnyambû, na gûtirî mûndû wîngî ûngîndethia.

Ezek 34:21

Mwatindîkire ng'ondu irîa itarî na vinya na ituro cienyu na mûkîimunda na mvîa nginya mûkîinyagania kûraca na ndîthia.

Danieli 11:16

Mûthamaki ûrîa ûkathithûkîra andû a Sîria nî akaameka wa ûrîa akwenda na gûtirî mûndû ûkaaregana nake. Nîa kaarûngama vûrûrirî wa Isiraeli na vûrûri ûcio wonthe ûkethîrwa ûrî rungu rwa wathani wake.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Danieli 7:5

“Nayo nyamû ya kaîrî yekariî ta Kîamthi nîyaumîrire na îkîrûgama na magûrû mayo ma vuva. Nyamû îo yanyitîte mbaru ithatû na magego. Nayo nîyerirwe atîrî, ‘Rîa nyama nyîngî wata ûrîa ûkavota.’

Danieli 8:7

Nînoonire nthenge îo îkîtharîkîra ndûrûme îo. Nayo yarî ndakaru mûno, kwoguo nîyaringire ndûrûme îo na îkîmiuna mvîa ciayo cioîrî. Ndûrûme îo ndîarî na vinya wa gûtiirîria nthenge îo. Nthenge nîyarivanirie ndûrûme îo nthî na îkîmîkinyangîra vo; gûtirî mûndû ûngîatethûrire ndûrûme îo.

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”