Danieli 2:4 - ÎVUKU RÎA ÛVORO MWARO

⁴ Akalidei acio nîmacokerie Mûthamaki na Kîhibirania atîrî, “Mûthamaki wetû ûrotûûratûûra! Ta twîre kîroto gîaku, na nîtûgûgûtaûrîra kîo.”

Danieli 2:4 Referencias Cruzadas

Kîam 31:47

Labani nîwetire vandû vau Jegari Sahadutha, nake Jakovu akîveeta Galeedi.

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:31

Nake Bathisheba nîwenamîrîrie ûthiû wake na gîtîîo mbere ya mûthamaki na akiuga atîrî, “Mwathi wakwa mûthamaki Daudi, ûrotûûra tene na tene!”

2Atha 18:26

Eliakimu, Shebuna, na Joa nîmaacokire makîra Rabushake atîrî, “Twakûthaitha warie natue na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania nîûndû wana nthingo irî matû.”

Ezira 4:7

Rîrîa Aritakiserikise aatuîkire Mûthamaki wa Perisia, Bishilamu Mithiredathi, Tabeeli, na arata ao nîmaandîkîre mûthamaki maarûa. Maarûa îo yandîkirwe na rûthiomi rwa Gîsuriata na ikîthomwa îgîtaûrwa nîyataûragwa na Kîhibirania.

Nehemia 2:3

na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Isaia 36:11

Eliakimu, Shebuna na Joa nîmaacokire makîra Rabushake atîrî, “Twakûthaitha warie natue ndungata ciaku na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania; nîûndû wana nthingo irî matû.”

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Danieli 1:4

Anake matarî na wonje, athaka, marî na ûûgî na wara wa mîthemba yonthe, athomu, na marî na ûmenyo, nîguo methîrwe marî agîrîru a gûtungata kwa Mûthamaki mûciî. Mûthamaki nîwaugire mathomithue kwaria na kwandîka rûthiomi rwa Akalidei.

Danieli 2:7

Nao nîmaacokerie mûthamaki rîngî atîrî, “Mûthamaki, twîre kîroto kîu, natue ndungata ciaku nîtûgûgûtaûrîra.”

Danieli 3:9

Nîmaamwîrire atîrî, “Mûthamaki! Ûrotûûra tene na tene.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 4:7

Kwoguo arogi, aringi ciama, oni na andû arîa aûgî, nîmaaûkire, na ngîmeera kîroto gîakwa, nwatî matiavota kûndaûrîra.

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Danieli 5:10

Nake ng'ina wa mûthamaki nîwegwire înegene rîa mûthamaki na atongoria ake na agîtonya nyomba kûrîa kwarî na kîrugo akiuga atîrî, “Mwathi wakwa, ûrotûûratûûra! Nakûthaitha ûtige kûmaka na ûtige gûtukia kîthithi.

Danieli 5:8

Nao arûme onthe arîa maataraga mûthamaki nîmaatonyire, nwatî matiavota kûthoma rûthingo kana gûtaûra mandîko mau maarî rûthingorî.

Danieli 6:21

Nake Danieli nîwacokerie mûthamaki atîrî, “Mûthamaki wetû, ûrotûûra tene na tene!

Danieli 6:6

Kwoguo arûngamîrîri na anene a thirikari nîmaagîre ndundu na makîthiî kûrî mûthamaki na makîmwîra atîrî, “Mûthamaki Dario, ûrotûûra tene na tene!

Danieli 6:7

Tue atongoria onthe a vûrûri: arûngamîrîri onthe, anene onthe, athuuri onthe arîa magûtaaraga na anene onthe icunjî cia thirikari twona atî we Mûthamaki nîwagîrîrwe nî kûruta watho na wone atî watho ûcio nîwarûmîrîrwa nî andû onthe. Athana atî îvinda rîa mîthenya mîrongo îthatû, gûtirî mûndû ûgetîkîrua kûvoya ngai îngî kana mûndû wîngî tiga we mûthamaki; na mûndû ûrîa ûkaauna watho ûyû nîagaaikua îrimarî rîa mînyambû.

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”