Danieli 2:5 - ÎVUKU RÎA ÛVORO MWARO

⁵ Mûthamaki nîwamerire atîrî, “Nie nînduîte îtua atî nwanginya mûmbîre kîroto, na mûcoke mûndaûrîre kîo. Ethîrwa tî mûmenyithia kîroto kîu na mûndaûrîre kîo, ngatûma mûtinangue icunjî icunjî, na nyomorithie nyomba cienyu.

Danieli 2:5 Referencias Cruzadas

2Atha 10:27

Kwoguo nîmaacûkangirie gîtugî Kîammûre Kîam Baali vamwe na hekarû, na magîtua hekarû îo kîoro, na ûguo nîguo îtûûraga nginya ûmûnthî.

Ezira 6:11

Wana rîngî nî ngûruta watho atî ethîrwa kûrî mûndû wa wonthe ûkaagarûra watho ûyû, mûtî nî ûkaarutwa nyombarî yake, umue ûvîge na ûcoke ûvûrîrwe ûvîtûkîrîre mwîrîrî wake. Na nîûndû wa îvîtia rîu mûciî wake ûgaatuîka kîvumbu gîa gîko.

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Thaburi 58:7

Maroûrîra ta manjî makîûrîra mûtheturî; marokinyangwa na maûme ta nyaki îrî njîrarî.

Danieli 2:12

Nake Mûthamaki egua ûguo nîwarakarire mûno na akîathana atî andû onthe arîa maarî aûgî kûu Babuloni maûragwe.

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.