Danieli 1:2 - ÎVUKU RÎA ÛVORO MWARO

² Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.

Danieli 1:2 Referencias Cruzadas

Kîam 10:10

Ûthamaki wake wambîrîrîtie Babuloni, Ereki, Akadi. Matûûra mau monthe maarî vûrûrirî wa Babuloni.

Kîam 11:2

Nîgwatuîkire atî rîrîa andû mathamaga kuuma mwena wa îrathîro, nîmaakinyire Babuloni kûndû kwaraganu na magîtûûra kuo.

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Maû 36:5

Jehoiakimu aatuîkire mûthamaki wa Juda arî na ûkûrû wa mîaka mîrongo îîrî na îtano (25) na nîwathanire arî Jerusalemu îvinda rîa mîaka îkûmi na ûmwe (11). Nîwekire maûndû macûku mbere ya Ngai-Mûnene, Ngai wake.

2Maû 36:7

Nebukadinezarû wana nîwakuuire indo imwe kuuma hekarûrî na akîivira Babuloni na agîciga gwake nyomba.

Ezira 1:7

Mûthamaki Cairasi nîwamacokerie mbakûri na ikombe irîa mûthamaki Nebukadinezarû arutîte hekarûrî ya Jerusalemu. Indo icio Nebukadinezarû aacokere agaciga hekarûrî ya ngai ciake.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 42:24

Nû wanenganîre Jakovu kûrî acunani? Nîûrîkû wanenganîre Isiraeli kûrî aîi? Nî Ngai-Mûnene ûrîa twevîîrie! Na methe metû makîrega kûrûmîrîra njîra ciake, kana kwathîkîra mawatho make.

Jeremia 25:1

Mwaka wa kana, Jehoiakimu mûvîcî wa Josia arî mûthamaki wa Juda, Ngai-Mûnene nîwavere Jeremia ndûmîrîri îgiî andû a Juda. Vîndî îo kwarî mwaka wa mbere wa Nebukadinezarû arî mûthamaki wa Babuloni.

Jeremia 27:16

Nînacokire ngîra athînjîri-Ngai vamwe na andû onthe atî Ngai-Mûnene arauga atîrî, “Mûtikathikîrîrie arathi enyu arîa marathaga makiugaga atî indo cia hekarû nîigûcokua kuuma Babuloni kavinda gakuvî, nîûndû nîkwa maramûveenia.

Jeremia 28:3

Îvinda rîa mîaka îrî nîngwîthîrwa njoketie indo cia hekarû gûkû irîa mûthamaki Nebukadinezarû wa Babulonia oocire gûkû akîivira Babuloni.

Jeremia 35:11

Nwatî rîrîa Nebukadinezarû mûthamaki wa Babuloni aakinyire vûrûrirî ûyû na akîûtharîkîra, nîtwatuire tûke Jerusalemu nîguo twîgitîre kuuma kûrî athigari a mbaara a Babuloni na a Sîria. Kîu nîkîo gîtûmîte tûtûûre gûkû Jerusalemu.”

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Danieli 5:13

Kwoguo Danieli nîwavirirwe kûrî mûthamaki. Nake Mûthamaki nîwamûririe atîrî, “Nîwe Danieli ûmwe wa andû arîa maathamirue kuuma Juda, na ûkîretwe gûkû nî vava mûthamaki?

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Habakuku 1:16

Nîmagoocaga neti ciao na makairutîra magongoona, nîûndû nîcio imavecaga indo cia gwîkenia, na kûrîa irio mbaro.

Zakaria 5:11

Nake nîwanjokerie atîrî, “Makîvira vûrûri wa Shinari nîguo magagîtumîre nyomba kuo, na yarîka nîmagaakiga kûu ndarî.”

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

Atir 3:8

Kwoguo Ngai-Mûnene nîwarakarirue nî Aisiraeli na agîtûma mûthamaki Kushani-rishathaimu wa Mesopotamia amavoote. Nao andû a Isiraeli nîmaamatungatîre îvinda rîa mîaka înana.

Atir 4:2

Kwoguo Ngai-Mûnene nîwamarekererie makîvootwa nî mûthamaki Jabini wa Kanaani. Jabini aathanaga arî îtûûrarî rîa Hazoru. Mûtongoria wa athigari ake eetagwa Sisera, na aatûûraga Haroshethu-hagoimu.

1Sam 5:2

Nao nîmaacokire makîrîoca na makîrîvira hekarûrî ya ngai yao îrîa yetagwa Dagoni, na makîriigîrîra vakuvî na mûvuanano wa ngai îo.