Danieli 1:1 - ÎVUKU RÎA ÛVORO MWARO

¹ Mwaka wa kathatû Jehoiakimu arî Mûthamaki wa Juda, Nebukadinezarû, Mûthamaki wa Babuloni nîwatharîkîre îtûûrarî rîa Jerusalemu na akîrîthiûrûrûkîria.

Danieli 1:1 Referencias Cruzadas

2Atha 23:36

Jehoiakimu aarî na ûkûrû wa mîaka mîrongo îîrî na îtano (25) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka îkûmi na ûmwe (11). Ng'ina eetagwa Zebida, mwarî wa Pedaia, kuuma îtûûrarî rîa Ruma.

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

Isaia 39:7

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

Jeremia 25:1

Mwaka wa kana, Jehoiakimu mûvîcî wa Josia arî mûthamaki wa Juda, Ngai-Mûnene nîwavere Jeremia ndûmîrîri îgiî andû a Juda. Vîndî îo kwarî mwaka wa mbere wa Nebukadinezarû arî mûthamaki wa Babuloni.

Jeremia 35:1

Kiugo Kîam Ngai-Mûnene nîgîakinyîre Jeremia vîndî ya wathani wa Jehoiakimu mûvîcî wa Josia, mûthamaki wa Juda akîrwa atîrî,

Jeremia 35:11

Nwatî rîrîa Nebukadinezarû mûthamaki wa Babuloni aakinyire vûrûrirî ûyû na akîûtharîkîra, nîtwatuire tûke Jerusalemu nîguo twîgitîre kuuma kûrî athigari a mbaara a Babuloni na a Sîria. Kîu nîkîo gîtûmîte tûtûûre gûkû Jerusalemu.”

Jeremia 36:1

Mwaka wa kana Jehoiakimu mûvîcî wa Josia arî mûthamaki wa Juda, kiugo Kîam Ngai-Mûnene nîgîakinyîre Jeremia akîrwa atîrî,

Jeremia 45:1

Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

Jeremia 50:1

Ûvoro wîgiî Babuloni na vûrûri wa Akalidei, Ngai-Mûnene nîwaririe na mûrathi Jeremia akiuga atîrî,

Jeremia 52:12

Mûthenya wa îkûmi wa mweri wa gatano, mwaka wa îkûmi na kenda wa wathani wa Nebukadinezarû mûthamaki wa Babuloni, Nebuzaradani mûnene wa athigari ake a mbaara ûrîa watungataga mûthamaki nîwathiîre Jerusalemu.

Jeremia 52:28

Ûyû nîguo mwîgana wa andû arîa Nebukadinezarû aatavire: Mwaka wa mûgwanja wa wathani wake aatavire Ayahudi ngiri îthatû na mîrongo îrî na athatû (3,023);

Danieli 5:13

Kwoguo Danieli nîwavirirwe kûrî mûthamaki. Nake Mûthamaki nîwamûririe atîrî, “Nîwe Danieli ûmwe wa andû arîa maathamirue kuuma Juda, na ûkîretwe gûkû nî vava mûthamaki?