SEKARIA 3:7 - Bukuit Ne Tilil

⁷ Mwaei Kamuktaindet ne Toroor ne po lugoosyek kole: Ngot iwendote ortinwekyuk, ak ngot iriip ng'atuutikyuk, irwooksechi anyun aginye koonnyu, ak iriip seremusyekyuk, ak ayaatun ole ibunoti eng' kwenutap chu tonondos eng' yuto.

BUKUIT NE TILIIL Sireet ne Dutero Kanon

⁷ Mwaei Kamuktaindet ne Toroor ne po lugoosyek kole: Ngot iwendote ortinwekyuk, ak ngot iriip ng'atuutikyuk, irwooksechi anyun aginye koonnyu, ak iriip seremusyekyuk, ak ayaatun ole ibunoti eng' kwenutap chu tonondos eng' yuto.

BUKUIT NE TILIL

⁷ Mwaei Jehovah ne bo lugosiek ko u ni kole: Ngot iwendote ortinwekyuk, ak ngot irib ng’atutikyuk, iruoksechi anyun aginye gonnyu, ak irib seremusiekyuk, ak ayatun ole ibunoti eng’ kwenutab chu tonondos eng’ yuto.

SEKARIA 3:7 Referencias Cruzadas

TAUNET 26:5

amu ki kas iit kutinnyu Abraham, ak ki nam katigonutikyuk ak koriip karureiywekyuk, etanutikyuk ak ng'atuutikyuk.”

1 LAITORINIK 2:3

Riip kayomisetap Kamuktaindet ne Toroor Kamuktaindeng'ung', iwendote ortinwekyik, iriip kaneetisyosyekyik, ng'atuutikyik, kirwoogutikyik ak paornatosyekyik, ko uu chooto ki kisir eng' Ng'atuutyetap Musa, si kiberuurin eng' tugul che iyae, eng' oldo tugul ole iwendi,

1 LAITORINIK 3:14

Ngot iwendotee ortinwekyuk, iriip kayomisutikyuk ak ng'atuutikyuk, ko uu ye kiwendotee Daudi kwandang'ung', atesun anyun kochang'a peetuusyeguk.”

1 ATEPTAP PEETUUSYEK 23:32

Si koriipso eng' riipseetap emait ne kituiyechin, ak riipseetap ole-tiliil, ak riipseetap weeriigap Aron tupchosyekwak, agobo otisyetap kootap Kamuktaindet ne Toroor.

ISAIAH 62:9

ago amei icheek che ki konori, ak kolas Kamuktaindet ne Toroor; ak koee icheek che kiyumi, eng' seremusyegap oldanyu ne tiliil.

EZEKIEL 44:8

Ama oriip ng'atuutyetap tuguukyuk che tiliileen: ago ki ondechigei okweegei riibiigap poisyennyu eng' oldanyu ne tiliil.

EZEKIEL 48:11

Punjin nooto tisiik che ki kitabaan eng' weeriitap Zadok, che ki riip ng'atuutikyuk; che ma po kometaa ye kingo meta piigap Israel ko uu ye ki pa Lawiik kometaa;

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

ATEPTAP LAWIK 8:35

Otebee kurgeetap emait ne kituiyechin peetuusyek tisap, peet ak kemoi oriibe katigonutigap Kamuktaindet ne Toroor si mobegu amu ko uu nooto, ko kaging'ata.”

SEKARIA 3:6

Ak kibaoryanji `malaikaiyatap Kamuktaindet ne Toroor Joshua eng' kimnateet, koleenji,

SEKARIA 4:14

Koleenjo anyun, Chuuto ko weeriik aeng' che po mwanik, che tonone ole neegitee Kiptaiyat ne po ng'wony komugul.

SEKARIA 6:15

Ak kobwa icheek che mi ole loo ak koteech Hekaluutap Kamuktaindet ne Toroor, ak onai ole ki iyookwo Kamuktaindet ne Toroor ne po lugoosyek anyo ole omi. Ak isuldoi niito, ngot ogas iit eng' kagiiletapkei kutitap Kamuktaindet ne Toroor Kamuktaindeng'wong'.

SEKARIA 6:5

Ak ki wol malaikaiyat koleenjo chuuto ko usoonaik ang'wan che po kipsengwet che pendi eng' ole katonone eng' taitap Kiptaiyat ne po ng'wony komugul.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

LUKA 22:30

si kobiit oamisye ak koeise mesennyu eng' laitornatennyu, ak tuun otebee ng'echerok che po laitornatet, orwookyini ortinwek taman ak aeng' che po Israel.

JOHANA 14:2

Miitei kooriik che chaang' eng' kootap Abba; nda ki ma ko uu nooto, ta ki amwaiwok; awendi achobwok kooret.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.