RUTH 3:10 - Bukuit Ne Tilil

¹⁰ Ki le chiichooto, “Ingoberuurin Kamuktaindet ne Toroor, cheptonyu, kaibooru myeeindo ne oo eng' let kosiir eng' taunet, amu ma isup murenik che mengech, ngo che ponoon anan ngo che mogore.

BUKUIT NE TILIIL Sireet ne Dutero Kanon

¹⁰ Ki le chiichooto, “Ingoberuurin Kamuktaindet ne Toroor, cheptonyu, kaibooru myeeindo ne oo eng' let kosiir eng' taunet, amu ma isup murenik che mengech, ngo che ponoon anan ngo che mogore.

BUKUIT NE TILIL

¹⁰ Ak kile chichoto, Ingoberurin Jehovah, cheptanyu: kaiboru mieindo ne o eng’ let kosiir eng’ taunet, amu ma isub murenik che mengech, ngo che bonon anan ngo che magore.

RUTH 3:10 Referencias Cruzadas

TAUNET 24:31

Kwo koleenji, “Nyoo inyee ne iberuurot eng' Kamuktaindet ne Toroor. Amu nee si itonon eng' saang'? Kaachop koot ak ole ruitos tambeesik.”

RUTH 1:8

Ki leenji `Naomi osotichooto aeng' po weeriikyik, “Ingoweektagei age tugul kwo kootap kamennyi ak ingoyaiywok Kamuktaindet ne Toroor ne myee ko uu ye ki oyachi che ki kobek ak ko uu ye ki oyaiywo.

RUTH 2:11

Kowolji `Boaz ineendet koleenji, “Kogemwaiwo tuguuk tugul che ki iyachi korgeng'ung' po yugoi kobooch ngo me manong'otyong'ung', ak ko uu ye ki ibagaakte kwandang'ung' ak kamenng'ung' kobooto emet ne ki kisikyinin, ak inyoo ole mi piik che ki ma ingen eng' tai.

RUTH 2:20

Koleenji `Naomi osotyondonooto ki po weeriinnyi, “Ingoberuur Kamuktaindet ne Toroor Boaz! Ma metoi rireenennyi eng' che saptos ak che ki kobek.” Kotestai kora koleenji, “Chiichooto ko chiitap ooreennyo ne neegit.”

RUTH 2:4

Ki it anyun koit Boaz kobunu Bethlehem, ak kogat kesiik koleenji, “Ingotep Kamuktaindet ne Toroor kobootok.” Kowolji `icheek ineendet kole, “Ingoberuurin Kamuktaindet ne Toroor.”

RUTH 3:9

Ki le ineendet, “Ii ng'oo?” Ak ki wol kole, “Aa Ruth cheptong'ung' ne otwoget. Tugee cheptong'ung' ne otwoget ngoryeeng'ung' amu ii chiitap ooreet ne neegit.”

1 SAMUEL 15:13

Ye kingo nyo Samuel ole mi Saulo, koleenji `Saulo ineendet, “Ingoberuurin Kamuktaindet ne Toroor, koayai ng'atuutyetap Kamuktaindet ne Toroor.”