RUTH 1:17 - Bukuit Ne Tilil

¹⁷ Ole imechini, amechini, ak ketupchino yooto. Ingoyaiywo Kamuktaindet ne Toroor ko uu nooto, ak kotes kosiir, kobatee meet ineegei ne ibestoseech anee ak inyee.”

BUKUIT NE TILIIL Sireet ne Dutero Kanon

¹⁷ Ole imechini, amechini, ak ketupchino yooto. Ingoyaiywo Kamuktaindet ne Toroor ko uu nooto, ak kotes kosiir, kobatee meet ineegei ne ibestoseech anee ak inyee.”

BUKUIT NE TILIL

¹⁷ ole imechini, amechini agane, ak ketupcha yoto: ingoyaiywa Jehovah ko u noto, ak kotes, kobate meet inegei ne ibestosech ane ak inye.

RUTH 1:17 Referencias Cruzadas

2 SAMUEL 15:21

Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

2 SAMUEL 19:13

Oleenji Amasa, ‘Tos ma ii kowekyuk ak panyeekyuk? Ingoyaiywo Kamuktaindet ko uu nooto ak kotes kosiir, ngot ko meegu kiptaiyatap lugeet eng' tainnyu kotugul igeer Joab.’ ”

2 SAMUEL 3:35

Yeityo kobwa piik tugul komwachi Daudi koamis ye kita ko peet. Ago ki iyasyo Daudi kole, “Ingoyaiywo Kamuktaindet ko uu nooto ak kotes koosir, ngot achamcham amitwogik anan ko kiy age agoi kororokto asiista.”

2 SAMUEL 3:9

Ingoyachi Kamuktaindet ne Toroor ko uu nooto Abner, ak kotes ngot koma yachi anee Daudi ko uu ye ki iyasyechi `Kamuktaindet ne Toroor ineendet.

1 LAITORINIK 13:31

Kingo kagotup ineendet, komwachi weeriikyik koleenji, “Tuun kaamee, otupcha kererini kagitupchi chiitap Kamuktaindet; onde kawekyuk korupkei ak chechiik.

1 LAITORINIK 19:2

Koyookto anyun `Jesebel chiito kwo ole mi Elijah, koleenji, “Ingoyaiywo kanamonik ko uu nooto, ak kotes koosir, ngot koma yai saboondang'ung' koigei saboondap age eng' icheek mutai ko neegit saini.”

1 LAITORINIK 2:23

Koyasyo anyun Laitoryat Solomon eng' Kamuktaindet ne Toroor kole, “Ingoyaiywo Kamuktaindet ne Toroor ko uu nooto, ak kotes koosir, ngot koma mwa Adonijah ng'olyoondoni agobo saboondanyi.

1 LAITORINIK 20:10

Ki iyookto `Ben-Hadad piik koba oldanyi, koleenji, “Ingoyaiywo kamuktaik ko uu nooto, ak kotes koosir, ngot koyam temburyegap Samaria komugutat eng' eunekwak piik che isubwo.”

2 LAITORINIK 6:31

Yeityo komwa kole, “Ingoyaiywo Kamuktaindet ko uu nooto ak kotes koosir, ngot kotebi metitap Elisha weeriitap Sapat rani!”

TIENWOGIKAL 45:10

Kas, ee chebi, ak iruchi, ak iep iit; utye piiguk ak piigap kootap kwandang'ung',

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

RUTH 1:16

Ago ki wolji Ruth koleenji, “Amegimnjo ile abagachin anan ile aweek matkebe tuwai! Ole kewe, awendi, ak ole itebee atebee agane. Egu piiguk piikyuk, ak egu Kamuktaindeng'ung' Kamuktaindennyu.

RUTH 4:15

Egu ineendet ne weegun saboondang'ung' ak koek ne riibin eng' osindang'ung'; amu osotyotap weeriing'ung', ne chamin, ne kaigai eng' inyee kosiir weeriik tisap, ko kasich lakweet.”

1 SAMUEL 14:44

Kole `Saulo, “Ingoyai Kamuktaindet ko uu nooto ak koyai kotes kora, amu agoi imee iman, Jonathan!”

1 SAMUEL 20:13

Ingoyachi `Kamuktaindet ne Toroor Jonathan ko uu nooto ak kosiir, ngot kochamei abba koyaun ne ya, ama amwaun. Amwaun si kobiit iwe eng' kaalyeet. Ingotebi Kamuktaindet ne Toroor kobooten ko uu ye ki mi kobooto abba.

1 SAMUEL 25:22

Ingoyachi Kamuktaindet ko uu nooto puunigap Daudi ak kotes koosir ngot abagaakte kiy age tugul ne nenyi mutai kaeech agot lakweet agenge ne ng'etet.”

1 SAMUEL 3:17

Ak kiteepsee Eli kole, “Nee kiit ne komwaun Kamuktaindet ne Toroor? Asoomin ale ameung'ena ng'olyoondonooto. Ingoyaun Kamuktaindet ak ngo yaun ne siirei nooto, ngot iung'ena kiy age tugul eng' tuguuk tugul che komwaun ineendet.”