NG'ATUTIK 1:43 - Bukuit Ne Tilil

⁴³ Ki ang'alaalwok anyun ko uu nooto, ak ki ma ogas, ago ki ongelelji ng'atuutyetap Kamuktaindet ne Toroor eng' menoteet ak ki otogoste tulweet.

BUKUIT NE TILIIL Sireet ne Dutero Kanon

⁴³ Ki ang'alaalwok anyun ko uu nooto, ak ki ma ogas, ago ki ongelelji ng'atuutyetap Kamuktaindet ne Toroor eng' menoteet ak ki otogoste tulweet.

BUKUIT NE TILIL

⁴³ Kiang’alalwok anyun ko u noto, ak kima ogas; kiongelelji ng’atutietab Jehovah, ak kiomenege, ak kiotogoste tulwet.

NG'ATUTIK 1:43 Referencias Cruzadas

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

KAITOSYEK 14:40

Ki ng'eetyo anyun karon miising' ak kotogosta agoi tulweet parak koleen, “Kimi yu, kagibe ketogoste ole ki komwa Kamuktaindet ne Toroor, amu kogeyai tengekto.”

KAITOSYEK 14:44

Agot nga uu nooto, ko ki ma kas iit icheek, ago ki pa kin icheek agoi tulweet parak. Ki ma kiip moingetap arorutyetap Kamuktaindet ne Toroor eng' nganaseet ak ki ma wo Musa agine.

KAITOSYEK 15:30

“Ago chiito ne yaei kiy age tugul kokwetyin, ngo neng'wong' anan kipsagarin, ko kachup `chiichooto Kamuktaindet ne Toroor, ak nyolu king'etoi chiichooto eng' piikyik.

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

NG'ATUTIK 1:26

“Ago ki ma ocham otogoste olooto, ago ki obistoe ng'atuutyetap Kamuktaindet ne Toroor Kamuktaindeng'wong'.

NG'ATUTIK 17:12

Chii age tugul ne yae kiy eng' menoteet ak koeesyo kogas ng'aleegap tisiindet ne tononi koboisyei eng' taitap Kamuktaindet ne Toroor Kamuktaindeng'ung' anan kirwoogindet, komeei si iiste yaityet eng' Israel.