MIKAH 4:1 - Bukuit Ne Tilil

¹ Ki kimiti eng' peetuusyek che po let tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak kotendenji pororyosyek.

BUKUIT NE TILIIL Sireet ne Dutero Kanon

¹ Ki kimiti eng' peetuusyek che po let tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak kotendenji pororyosyek.

BUKUIT NE TILIL

¹ Ago kigimiti eng’ betusiek che bo let tulwetab gotab Jehovah eng’ tulonok barak, ak kitorori kosiir tulonok che mengechen; ak kotendenji bororiosiek.

MIKAH 4:1 Referencias Cruzadas

TAUNET 49:1

Yeityo koguur `Jakobo weeriikyik ak koleenji, “Oyumgei tugul, si kobiit aboorwok tuguuk che tuun pwonjinok eng' peetuusyek che po let.

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 48:1

Oo Kamuktaindet ne Toroor, ak kanyool kilas miising' eng' nganaseennyi ak eng' tulweennyi ne tiliil.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 43:6

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 54:2

Ibaraa ye mi emaing'ung', ak ingoiito icheek angoogap meng'otosyeguk; ameetee; igoit porooniguk, ak igimit tigongeniguk.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 31:12

Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

JEREMIA 48:47

Ago aweechi kogeny luulenigap Moab eng' peetuusyek che po let, mwaei Kamuktaindet ne Toroor. Tee nooto anyun kirwoogetap Moab.

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

EZEKIEL 43:12

Niito ko ng'atuutyetap koot: egu ne tiliil miising' eng' tulweet parak komoswek tugul ole pooch. Ogeero, niito ko ng'atuutyetap koot.

DANIEL 10:14

Kanyo anyun si kobiit aboorun iguiye tuguuk che tuun pwaanjin piiguk eng' peetuusyek che po let, amu po ng'ang'utyet peetuusyek che chaang'.”

DANIEL 2:28

ago mi Kamuktaindet kipsengwet ne ng'aanyei ung'ootik, ak kagoboorchi Laitoryat Nebukadnezar tuguuk che tuun piitu eng' peetuusyek che po let. Karwotitoeng'ung' ak ng'ang'utik che ki pwa meting'ung' eng' itogung'ung' ko chu:

DANIEL 2:35

Ki tonogis anyun tugul; kariik, meneet, sugunwet, fedha, ak thahabu ak koigei meteteegap rwanyut ne kiboorsee ak koip usoonet kot ko mata kenyoorchi ui. Ki ek tulweet ne oo koyato kotuei kanamwet ak konyi emet komugul.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:18

Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

DANIEL 7:22

agoi konyo Ineendet ne po Keny, ak korwooch agobo piik che tiliileen che po Ineendet Ne Toroor Miising', ak koit peetuut ne punjin pounateet piik che tiliileen.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 14:10

Kiwolei emet tugul koigei Arabah, kobooch Geba agoi Rimon murot tai ne po Jerusalem; ak kieeti, ak komeny oldanyi, kobooch ormariichetap Benjamin, agoi komostap ormariichet ne po tai, agoi ormariichetap luuita, kobooch teekseet ne kooi ne po Hananel, agoi komoswegap laitoryat ole kitue sabibuk.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

POISYONIGAP CHE KIYOKTOI 2:17

‘Tuun eng' peetuusyek che po let, mwaei Kamuktaindet, aroong'jini piik tugul Kabuusennyu ne Tiliil, ak komaoten weeriikwok ak tiibiikwok, ak kogeer murenikwok ng'ang'utik, ak korwotyi poisyekwok karwotitaosyek.

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

2 PETERO 3:3

korook, ongen ole tuun pwoonei chombilik ak chombilisyet eng' peetuusyek che po let, che isubi maguutikwak,

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.