MIKAH 1:2 - Bukuit Ne Tilil

² Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

BUKUIT NE TILIIL Sireet ne Dutero Kanon

² Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

BUKUIT NE TILIL

² Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

MIKAH 1:2 Referencias Cruzadas

1 LAITORINIK 22:28

Ki leenji Mikaia, “Ngot iweigei iman eng' kaalyeet, ko kaagaa ma ng'alaalena Kamuktaindet ne Toroor.” Ak kites kole, “Ogas okweek piik tugul.”

2 ATEPTAP PEETUUSYEK 18:27

Ak ki le Mikaia, “Ngot iweege iman eng' kaalyeet, ko kaagaa ma ng'alaalena Kamuktaindet ne Toroor.” Ak ki testai kole, “Ogas okweek piik tugul!”

TIENWOGIKAL 11:4

Miitei Kamuktaindet ne Toroor hekalunnyi ne tiliil, miitei kipsengwet ng'echereetap laitornatet ne po Kamuktaindet ne Toroor. Toobeni konyekyik, keerei konyekyik weeriigap piik.

TIENWOGIKAL 24:1

Po Kamuktaindet ne Toroor ng'wony ak tugul che nyiitaat olooto; ng'wony, ak che menyei olooto;

TIENWOGIKAL 28:2

Kas soomutikyuk, ye ariirchinin, ye anamjini parak eunekyuk atokyini oldang'ung' ne tiliil.

TIENWOGIKAL 50:1

Katwek Ne po Kamuktaet, inee Kamuktaindet ne po Toroornatet, ak kaguur ng'wony kobooch ko kachor asiis agoi kororokto.

TIENWOGIKAL 50:12

Nda ama rubeet, koma mwaun, amu nenyu ng'wony, ak tuguukyik che nyiitaat olooto.

TIENWOGIKAL 50:7

Oep iit, ee piikyuk, si ang'alaal; ee Israel, si abaoryanun. Aa Kamuktaindet, Kamuktaindeng'ung'.

KALEWANAIK 8:4

okweek, ee piik, aguurok, ak kuursennyu ko koityi piik tugul.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 50:7

Amu toreto Kiptaiyat Kamuktaindet ne Toroor; ma alilan anyun amu nooto: ki auuiit anyun togeennyu koigei rwandet ne uui, ak angen ale ma lilani.

JEREMIA 22:29

Ee emoni, emoni, emoni, kas ng'olyootap Kamuktaindet ne Toroor.

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 42:5

Ki mwachi anyun `icheek Jeremiah koleenji, ingoek Kamuktaindet ne Toroor paoryat ne po iman ak ko ne kiyani eng' kwenunnyo, ngot koma ki yai ko uu ng'olyoot age tugul ne kaiyogunenen Kamuktaindet ne Toroor Kamuktaindeng'ung' iibwech.

JEREMIA 6:19

Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

JONAH 2:7

Ye ki tanui saboondanyu, abwaat anyun Kamuktaindet ne Toroor; ak ki it ole imi saaennyu, agoi hekalung'ung' ne tiliil.

JONAH 2:8

Icheek che isubi atebosyek che ma nyolu che po lembech, ko istoegei rireenennywa pogei.

HABAKUK 2:20

Ago mi Kamuktaindet ne Toroor hekalunnyi ne tiliil; ingosiis ng'wony komugul eng' tainnyi.

MALAKI 2:14

Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

NG'ATUTIK 32:1

Oebit, ee okweek kipsengwet, si kobiit ang'alaal; ingogas ng'wony ng'aleegap kutinnyu.

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 2:29

“Ineendet ne tinyei itit, kogas kiit ne mwachin Kabuuset ne Tiliil kanisosyek.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 3:13

“Ineendet ne tinyei itit, kogas kiit ne mwachin Kabuuset ne Tiliil kanisosyek.

NG'ANG'UTYET 3:22

“Ineendet ne tinyei itit, kogas kiit ne mwachin Kabuuset ne Tiliil kanisosyek.”

NG'ANG'UTYET 3:6

“Ineendet ne tinyei itit, kogas kiit ne mwachin Kabuuset ne Tiliil kanisosyek.

KIRUOGIK 11:10

Ak ki leenji poisyegap Gilead Jephta, “Egu Kamuktaindet ne Toroor paoryat eng' kwenunnyo, kiyae iman ko uu ng'olyoondeng'ung'.”