MIKAH 1:2 - BUKUIT NE TILIL

² Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

Bukuit Ne Tilil

² Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

BUKUIT NE TILIIL Sireet ne Dutero Kanon

² Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

MIKAH 1:2 Referencias Cruzadas

1 LAITORINIK 22:28

Ak kile Mikaia, Ngot iweeige iman eng’ kalyet, ko kaga ma ng’alalena Jehovah. Ak kile, Ogas okwek bik tugul.

2 ATEPTAP PEETUUSYEK 18:27

Ak kile Mikaia, Ngot iweege iman eng’ kalyet, ko kaga ma ng’alalena Jehovah. Ak kile, Ogas okwek bik tugul.

TIENWOGIKAL 11:4

Mitei Jehovah hekalunnyi ne tilil, Mitei kipsengwet ng’echeretab laitornatet ne bo Jehovah; Keerei konyekyik, tiemei iririotab konyekyik werikab bik.

TIENWOGIKAL 24:1

Bo Jehovah ng’ony, ak che nyiitat ng’ony; Ng’ony, ak che menyei oloto.

TIENWOGIKAL 28:2

Kas kutitab somutikyuk, ye arirjinin, Ye anamjini barak eunekyuk atokyini oldang’ung’ ne tilil.

TIENWOGIKAL 50:1

Katwek Kamuktaindet, Kamuktaindet Jehovah, Ak kaguur ng’ony koboch ko kachor asis agoi kororokto.

TIENWOGIKAL 50:12

Nda ama rubet, ko mamwaun: Amu nenyu ng’ony, ak tugukyik che nyiitat oloto.

TIENWOGIKAL 50:7

Oeb it, ee bikyuk, si ang’alal; Ee Israel, si abaorianun: A Kamuktaindet, Kamuktaindeng’ung’.

KALEWANAIK 8:4

Kole, Aguurok, okwek murenju, Ak bo tugennyu werikab bik.

ISAIAH 1:2

Ogas, ee kipsengwetisiek, ak oeb it, inye ng’ony, amu kagotwek Jehovah, kole: kiagu lagok, ak kianet, ak kigongelelja.

ISAIAH 18:3

Okwek tugul che omenye ng’ony, ak okwek che omenye emet, ogeer ye kinamjin barak songoliet eng’ tulonok; ak oeb it ye kiguutei iriaget.

ISAIAH 50:7

Amu toreta Kiptaiyat Jehovah; ma alilan anyun amu noto: kiauuiit anyun togennyu koigei ruandet ne uui, ak angen ale malilani.

JEREMIA 22:29

Ee emoni, emoni, emoni, kas ng’olyotab Jehovah.

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

JEREMIA 42:5

Kimwachi anyun ichek Jeremia kolenji, Ingoek Jehovah baoriat ne bo iman ak ko ne kiyani eng’ kwenunnyo, ngot ko magiyai ko u ng’olyot age tugul ne kaiyogunenen Jehovah Kamuktaindeng’ung’ iibwech.

JEREMIA 6:19

Ogas okwek ng’ony, ogeero, aipchini bichu yaitiet, logoekab kabwatutikwak, amu ma epchi it ng’alekyuk; ak kigoesio ng’atutikyuk.

JONAH 2:7

Ye kitanui sobondanyu, abwat anyun Jehovah: Ak kiit ole imi saennyu, agoi hekalung’ung’ ne tilil.

JONAH 2:8

Istoegei rirenenywa bo ge Ichek che isubi atebosiek che ma nyolu che bo lembech.

HABAKUK 2:20

Ago mi Jehovah hekalunnyi ne tilil: ingosis ng’ony komugul eng’ tainnyi.

MALAKI 2:14

Ago, omwae ole, Kalya? Amu kogoek Jehovah baoriat eng’ kwenung’wong’, inye ak osotiotab ming’inateng’ung’, ne kiiberber, nganda, inendet ko chamaneng’ung’, ak ko osotiotab kayomisutieng’ung’.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

NG'ATUTIK 32:1

Oebit, okwek kipsengwetisiek, si kobiit ang’alal; Ak ingogas ng’ony ng’alekab kutinnyu:

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:17

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini che bo mana che ung’otin, ak agochi koita ne leel, ak kigisirji koyata kainet ne leel, ne maingen chi kobate inendet ne taachei.

NG'ANG'UTYET 2:29

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 3:13

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 3:22

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 3:6

Inendet ne tinyei itit, kogas kit ne mwachin Tamirmiriet kanisosiek.

KIRUOGIK 11:10

Ak kilenji boisiekab Gilead Jepta, Egu Jehovah baoriat eng’ kwenunnyo; kiyae iman ko u ng’olyondeng’ung’.