JOSHUA 7:26 - Bukuit Ne Tilil

²⁶ Ki iruruuch koik eng' paragunnyi ak mi koichooto agoi ra. Ki istogei anyun nereegek eng' Kamuktaindet ne Toroor. Ki kiguure anyun yooto atebweetap Akor agoi ra.

BUKUIT NE TILIIL Sireet ne Dutero Kanon

²⁶ Ki iruruuch koik eng' paragunnyi ak mi koichooto agoi ra. Ki istogei anyun nereegek eng' Kamuktaindet ne Toroor. Ki kiguure anyun yooto atebweetap Akor agoi ra.

BUKUIT NE TILIL

²⁶ Ak kiiruruch koik eng’ baragunnyi, ak mi koichato agoi ra; ak kimeto Jehovah koromnatetab neregekyik. Noto anyun kigiguure kainetab yoto, Atebwetab Akor, agoi ra.

JOSHUA 7:26 Referencias Cruzadas

2 SAMUEL 18:17

Kisut Absalom ak kowiirchi keriinget ne oo eng' timiin ak korurukyi ineendet karurugutyet ne oo ne po koik. Kimwei Israel tugul, kwo age tugul emainnyi.

2 SAMUEL 21:14

Kitup anyun kawegap Saulo ak che po Jonathan weeriinnyi eng' emetap Benjamin eng' Shelah, eng' kereritap Kish kwandanyi, ak ki yai tuguuk tugul che ki ng'at laitoryat. Kingo pata chooto kogasyi Kamuktaindet icheek riirek agobo emet.

2 ATEPTAP PEETUUSYEK 29:10

Ara anyun, mi muguleldanyu kiyomiske ak Kamuktaindet ne Toroor, Kamuktaindetap Israel, si keistoenech nereegekyik che koroomen.

EZRAH 10:14

Ingelewen anyun pounikyok agobo tuiyet tugul ak ingobwa icheek tugul che mi nganasookyok che ki itun tiibiik che toek. Ingobwa eng' peetuusyek che king'atei ak Ingobwa kobooto icheek poisyegap nganaseet age tugul ak kirwoogikyik agoi koistoeneigei nereegek che koroomen che po Kamuktaindennyo, kot keisto poisyoniito.”

TIENWOGIKAL 85:4

Weekyeige, Kamuktaindetap yetunennyo. Ak ingosiisyo nereegeguk che tokyineigei.

KOMONG'U 32:12

Amu nee si komwa tuun Misiriik kole, ‘Kiga imutyin icheek yaityet kole si kobar eng' tuloonook, ak kowong' kobetyo eng' ng'wony?’ Ketite nereegeguk che laldos ak iwal kii ya koistoegei piiguk.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 65:10

Ak koek Saron piutap akwotisyegap keechiirek, ak koek atebweetap Akor ole ruiye akwotisyek, amu piikyuk che ki kocheeng'a.

RIREKAB JEREMIA 3:53

Ki koisto saboondanyu eng' keriinget, ak ki wiirena koik.

HOSEA 2:15

Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

HOSEA 2:17

Amu aistoi kainaigap Baalik eng' kutinnyi ama kibwaati kogeny kainaikwak.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

JOEL 2:18

Ki am ng'etkong' anyun Kamuktaindet ne Toroor amu emennyi, ak ki riiree piikyik.

JONAH 1:15

Koganap anyun Jona ak kowiirchi nyanjet; ak kosiis anyun nyanjet eng' wasetapkei.

SEKARIA 6:8

Ki kuuro anyun ak koleenjo, Keero, kagogaigai kabuusennyu icheek che kaba kotokyigei murot kaataam eng' emet ne po murot kaataam.

KAITOSYEK 25:8

ak koosup Yahudyondonooto agoi emait. Kitoore ng'otit icheek tuwai kosore moetap chiichooto po Israel ak kwonyooto agine. Ki siis anyun koroito eng' piigap Israel.

NG'ATUTIK 13:17

Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

NG'ATUTIK 13:18

Ye iepchi iit kutitap Kamuktaindet ne Toroor Kamuktaindeng'ung' ak iriip ng'atuutikyik tugul che kang'atiin rani, iyai nooto po iman eng' taitap Kamuktaindet ne Toroor Kamuktaindeng'ung'.

JOSHUA 10:27

Ye kimachei kororokto asiista, kogoon Joshua ng'atuutyet kechoor eng' keetiik kobwa ng'wony ak kowiirchi kebeneet ole kigaung'egei, ak konde koik che eecheen kurgeetap kebeneet, ne mi agoi ra.

JOSHUA 7:24

Yeityo konam `Joshua ak Israel tugul Akan weeriitap Zerah kobooto fedha, ngoryeet ak thahabu, weeriikyik, tiibiikyik, tuukyik, sigirokyik, keechiirekyik, emainnyi ak tugul che ki tinyei ak komut koba atebweetap Akor.

JOSHUA 8:29

Ki isonginin laitoryatap Ai eng' keetit kot koimen. Kingo rorokta asiista, kong'at `Joshua kechoor muustonyi eng' keetit konyo ng'wony, ak kowiirchi ole kichutei eng' kurgeetap nganaseet. Ak korurukyi yooto karurugutyet ne oo ne po koik, ne mi agoi ra.