JOSHUA 24:18 - Bukuit Ne Tilil

¹⁸ Ki oon `Kamuktaindet ne Toroor piik tugul koba eng' tainnyo, chooto Amorik che ki menyei emoniito. Nooto anyun kiboisyechini Kamuktaindet ne Toroor agacheek, amu ineendet ko Kamuktaindennyo.”

BUKUIT NE TILIIL Sireet ne Dutero Kanon

¹⁸ Ki oon `Kamuktaindet ne Toroor piik tugul koba eng' tainnyo, chooto Amorik che ki menyei emoniito. Nooto anyun kiboisyechini Kamuktaindet ne Toroor agacheek, amu ineendet ko Kamuktaindennyo.”

BUKUIT NE TILIL

¹⁸ ak kion Jehovah bik tugul koba eng’ tainnyo, Amorik che kimenyei emonito: noto anyun kiboisiechini Jehovah agachek; amu inendet ko Kamuktaindennyo.

JOSHUA 24:18 Referencias Cruzadas

TIENWOGIKAL 116:16

Ee Kamuktaindet ne Toroor, aa kiboityondeng'ung' iman; aa kiboityondeng'ung', aa weeriitap otwogeng'ung' ne tye; ki ityaach ratuutikyuk.

KOMONG'U 10:2

Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

KOMONG'U 23:31

Andoi kiwoteng'ung' koboochit Araraita ne Piriir agoi nyanjetap Mediterenian ak koboochit surkwen agoi aineet. Amu andoi piigap emonooto eunekwok, si ioon icheek koba eng' taing'ung'.

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

SEKARIA 8:23

Mwaei Kamuktaindet ne Toroor ne po lugoosyek kole: Tuun namei piik tamanu eng' peetuusyechooto, che punu kutusweek tugul che po pororyosyek, ngoryeetap Yahudyot ak koleenji, ‘Kibendi tugul kobooten, amu kigegas keele mi Kamuktaindet kobootok.’ ”

POISYONIGAP CHE KIYOKTOI 7:45

Ne ki ip kwanisyekyok ak icheek eng' peetuusyekwak, kobooto Joshua, ye kinamei Pororyosyek, che ki oon Kamuktaindet eng' taitap kwanisyekyok. Ki mi yooto agoi peetuusyegap Daudi,

NG'ATUTIK 10:21

Ineendet kalasuneng'ung' ak ko Kamuktaindeng'ung', ne kiyaun tuguuchu eecheen po kwong'eet che ki igeer eng' konyeguk.

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

JOSHUA 23:9

Amu ki koon `Kamuktaindet ne Toroor eng' taing'wong' pororyosyek che eecheen ak ko kiimeen. Ago ma piit chii ne ki tonon eng' taing'wong' agoi ra.

JOSHUA 24:17

Amu Kamuktaindet ne Toroor, Kamuktaindennyo, ko ineendet ne ki imutwech ak kwanisyekyok kemang'une emetap Misiri eng' kootap otwoknateet ak ko ineendet ne ki yai kaboorunoichu kieechen eng' tainnyo ak koriibonwech eng' ooreet tugul ne ki kibunu ak eng' kwenutap piik tugul che ki kibunu kwenunnywa.

JOSHUA 24:19

Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.