JOSHUA 21:43 - Bukuit Ne Tilil

⁴³ Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

BUKUIT NE TILIIL Sireet ne Dutero Kanon

⁴³ Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

BUKUIT NE TILIL

⁴³ Kiigochi anyun Jehovah Israel emet tugul ne kiiyosiechi kwanisiekwak kole tun igochin; ak kinam kobunji, ak komeny;

JOSHUA 21:43 Referencias Cruzadas

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 13:15

amu agoonin emet tugul ne igeere kobunjiin ak iyoteng'ung' agoi koigeny.

TAUNET 28:4

Ingogoonin perurto ne po Abraham, inyee ak lagoguk, si kobunjiin emoni iwendote ko ii kiprutoiyot, ne ki igoochi `Kamuktaindet Abraham”

2 ATEPTAP PEETUUSYEK 20:8

Ki meny icheek olito, ak ki koteegun ole-tiliil agobo kaineng'ung', koleen,

NEEMIA 9:24

Ki pa anyun lagochooto ak konam emet kobunji, ak iterteer eng' tainnywa piigap emonooto. Chooto ko ki Kanaanik ak inde icheek eunekwak kobooto laitorinikwak ak piigap emet, si koyachi icheek ko uu ye machei.

NEEMIA 9:8

Ki igeer ile po iman muguleldanyi eng' taing'ung', ak oyomiskei ak ineendet igoochi ineendet emetap kanaanindet, Hitindet, Amorindet, Perisindet, Jebusindet ak Girgasindet, igoochi emonooto iyotennyi ak kaiyai ng'aleeguk kosulda, amu ii po iman.

TIENWOGIKAL 105:8

Ibwaati kayomisennyi koigeny, ng'olyoot ne ki ng'at agobo ibinwek eliphuut.

TIENWOGIKAL 44:3

Amu ma nam emet eng' rotonikwak po chok, ama sar icheek `eunekwak; ago eung'ung' ineegei ne po tai, ak lapkeiyetap togeng'ung', ko ki icham icheek.

TIENWOGIKAL 78:55

Ki oon pororyosyek eng' tainnywa, Ak kipchechi icheek emonooto eng' kiwotosyek koek porotennywa, Ak ki igoochi ortinwegap Israel komeny emaisyekwak.

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

KAITOSYEK 33:53

Yeityo onam emet kobunjook ak omeny, amu ki agoonok emonooto kobunjook.

KAITOSYEK 34:2

“Ng'at piigap Israel ileenji: Ye oit emetap Kanaan, niito emet ne onyooru koek poroteng'wong', kibooru kiwotosyekyik ko uu ni:

NG'ATUTIK 11:31

Amu olandae Jordan obendi oname emet ne koonok Kamuktaindet ne Toroor Kamuktaindeng'wong', kobunjook ak omeny olooto.

NG'ATUTIK 12:29

“Ye tuun ing'eto eng' taing'ung' Kamuktaindet ne Toroor Kamuktaindeng'ung' pororyosyek che iwendi inam si kobunjiin chooto, ye inam ak imeny emennywa,

NG'ATUTIK 17:14

“Ye kaiit emet ne koonin Kamuktaindet ne Toroor Kamuktaindeng'ung' ak inam kobunjiin ak imeny ak ile, ‘Kande laitoryat koboiywa, ko uu pororyosyek tugul che mi komoswekyuk,’

NG'ATUTIK 34:4

Yeityo koleenji `Kamuktaindet ne Toroor, “Emoni ne ki ayosyechi Abraham, Isak ak Jakobo aleenji, ‘Agoochini iyoteng'ung'.’ Kaagoonin anyun igeer eng' konyeguk ago melandoi oliindo.”

JOSHUA 1:6

Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

JOSHUA 21:42

Ki tinyei age tugul eng' nganasochuuto emotinwekyik che kiyagisye che kiyiem ak ki uu nooto eng' nganasochuuto tugul.

KIRUOGIK 11:24

Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.

1 SAMUEL 12:8

“Ye kingo nyo Jakobo Misiri, ak koriirchi `kwanisyekwok Kamuktaindet ne Toroor, koyook `Kamuktaindet ne Toroor Musa ak Aron che ki imong' kwanisyekwok eng' Misiri ak kogoochi komeny olito.