JOSHUA 2:12 - Bukuit Ne Tilil

¹² Asaok nguno ale, oyosyeiwo eng' Kamuktaindet ne Toroor, ko uu ye kayaiywok ne myee ko tuun oyachi ne myee ak okweek kootap abba. Ogoono kaboorunet ne po iman,

BUKUIT NE TILIIL Sireet ne Dutero Kanon

¹² Asaok nguno ale, oyosyeiwo eng' Kamuktaindet ne Toroor, ko uu ye kayaiywok ne myee ko tuun oyachi ne myee ak okweek kootap abba. Ogoono kaboorunet ne po iman,

BUKUIT NE TILIL

¹² Ara anyun, asaok ale, oyosiewa eng’ Jehovah, amu kayaiywok ne mie, oyachi ne mie ak okwek gotab baba, ak ogona kaborunet ne bo iman:

JOSHUA 2:12 Referencias Cruzadas

TAUNET 21:23

Iyosyeiwo anyun nguno eng' Kamuktaindet si metila let anan eng' weeriinnyu anan eng' mochogoronikyuk, ago ko uu rireenet ne ki ayaun, iyaiywo aginye ko uu nooto, agot eng' emet ole kigeegune too.”

TAUNET 24:3

amache iyasye eng' Kamuktaindet ne Toroor, Kamuktaindet ne po kipsengwet ak ng'wony, ale ametunji weeriinnyu chepto ne po Kanaanik che amenye kwenunnywa.

TAUNET 24:9

Konde anyun otwogindet eunnyi kubestap Abraham kiptaiyandennyi, ak koyasyechi ineendet agobo nooto.

TAUNET 40:14

Ago myee tuun ibwaata ye tuun kagomyeeit atebeeng'ung', ak irireena anyun, kaigai, ak imwaite eng' kap Pharaoh, si kimaanda eng' kooi.

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

ESTA 8:6

Amu amuktoi ano amuita ak ageere yaityet ne nyoonjin piikyuk? Anan amuktoi ano amuita ak ageere ng'emisyetap tilyonutikyuk?”

KOMONG'U 12:13

Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

MARIKO 14:44

Ak kiga koarorchi ng'wektaindet icheek, koleenji, “Ineendet ne ang'ututi ko ineendet nooto; onam, ak omut ak oriiboote. ”

ROMANIK 1:31

che ma tinyei kaguiyet, putigap kayomisutik, che ma tinyei chamyet, che ma tinyei rireenetapkei:

1 TIMOTEO 5:8

Ago ngo ma riibei chii piikyik, ak che siirei ko che po koonnyi, ko kagoesyo kayaneet, ak ko ya kosiir chiito ne ma iyan.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.

JOSHUA 2:13

amat obar kwandanyu ak kamennyu, tupchosyekyuk che weeriik ak che tiibiik kobooto tuguukwak tugul, ak osaru saboonwekyok eng' meet.”

JOSHUA 2:18

Keero, ye ki itu emoni iratyi porowoni piriir tirisyet ne kechoortaenech, ak iyum kobwa koong'ung' kwandang'ung' kamenng'ung', tupchosyeguk ak piiguk tugul che po kootap kwandang'ung'.

JOSHUA 2:19

Ngomanda chii age tugul eng' kurgeetap koong'ung' kwo ooreet, kotebee korotiikyik metinnyi, ak ma namech ng'oogisto. Ago ngot kotwa chii eng' acheek chii age tugul ne mi kobooten eng' ko, kotebee korotiikyik metowekyok.

JOSHUA 6:22

Ki leenji `Joshua pichooto aeng' che kigaba kosegei emet, “Oba kootap chepkugoniot ak oomutu komong' tugul che mi koonnyi ak tugul che tinyei ko uu ye ki oyosyechi.”

JOSHUA 9:15

Ki yai Joshua ak icheeget kayanjinetap kaalyeet, ak koarorto kobagaakta pichooto kosapcho, ak ki igimit pounigap tuiyet eng' kayosyet.

KIRUOGIK 1:24

Kingo keer segeik chiito ne ki mang'une nganaseet, koleenji, “Kisoomin iboorwech ole kibunei kebendi nganaseet oriit si tuun kerirenen.”

1 SAMUEL 30:15

koteebee `Daudi ineendet koleenji, “Tos ichame imuta ole mi lugonooto?” Kowol kole, “Iyosyeiwo eng' Kamuktaindet ile mebara anan indea eunegap kiptaiyandennyu, si amutin ole mi lugonooto.”